ديماش تۋعان كۇنىن قىتايدا اتاپ وتپەك

استانا. قازاقپارات - ءانشى ديماش قۇدايبەرگەن بيىلعى تۋعان كۇنىن قىتاي استاناسىندا اتاپ وتپەك، دەپ حابارلايدى قازاقپارات.

قىتايلىق ent.ifeng.com سايتىنىڭ مالىمەتىنشە، ديماش ءوزىنىڭ تۋعان كۇن كەشىندە ءوز جانكۇيەرلەرىنە توسىن سىي جاساماق.

«ديماش قۇدايبەرگەن جانكۇيەرلەرىنىڭ قۇرمەتىنە 24 - مامىر كۇنى بەيجىڭ قالاسىندا «توسىن سىيعا تولى تۋعان كۇن كەشى» تاقىرىبىنداعى كەزدەسۋ ۇيىمداستىرماق. بۇل ءانشىنىڭ ءوز تۋعان كۇنىن شەتەلدە تۇڭعىش رەت وتكىزۋى. ديماش وسى كەزدەسۋ ءۇشىن كوپتەگەن جاڭا شىعارمالارىن دايىنداپ وتىر. كەزدەسۋدە ول قىتايداعى العان اسەرلەرىمەن، ويلارىمەن بولىسەدى» ، - دەپ جازادى اتالمىش سايت.

 بۇل اقپاراتتى ءانشىنىڭ PR مەنەدجەرى الپامىس شارىموۆ تە راستاپ، فەيسبۋكتاعى ءوزىنىڭ جەكە پاراقشاسىنا «ديماشتىڭ تۋعان كۇنى - تۇڭعىش رەسمي الەمدىك فان- كەزدەسۋ بەيجىڭ قالاسىندا!» ، - دەپ جازدى.

 

اۆتور: ريزابەك نۇسىپبەك ۇلى