مينيستر ا. مۇحامەدي ۇلى گيننەستىڭ رەكوردتار كىتابىنا ەنگىسى كەلەدى
بۇل تۋرالى بۇگىن ق ر ۇكىمەتىنىڭ سەلەكتورلىق رەجىمدەگى وتىرىسىندا ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات.
«قازىر ءبىز اشىق اسپان اياسىندا ۇلكەن تۋىندىلاردى ساحنالاۋدى ناسيحاتتاۋ ۇستىندەمىز. بۇل دۇرىس تا. ماسەلەن، «ايدا» وپەراسىن، «دون كيحوت» بالەتىن ساحنالاعان ەدىك. ەندى العاش رەت «قىز جىبەكتى» كورسەتەتىن بولامىز.
تاعى ءبىر ايتا كەتەرلىگى، ءبىز مالەردىڭ №8 -سيمفونياسىن تۇڭعىش رەت قويماق نيەتتەمىز. وعان 1500 ادام قاتىسادى. ياعني، بۇعان دەيىن 1400 ادام ءبىر مەزەتتە وسى سيمفونيانى ورىنداپ رەكورد ورناتقان بولاتىن. ءبىز 1500 ادامنىڭ ورىنداۋىندا رەكوردتار كىتابىنا ەنگىمىز كەلەدى»، - دەدى مۇحامەدي ۇلى.
ايتا كەتەيىك، بۇعان دەيىن ارىستانبەك مۇحامەدي ۇلى ەكسپو-2017 حالىقارالىق مامانداندىرىلعان كورمەسى اياسىندا ديماش قۇدايبەرگەن ەكى كۇن كونسەرت بەرەتىندىگىن ايتقانىن حابارلاعان ەدىك.
اۆتور: مارلان جيەمباي
