پاۆلوداردا بايگە ماۋسىمى اشىلدى
«ءبىز قۇقىقتارى تەڭ، دوستىعى جاراسقان تاتۋ وتباسى ءتارىزدىمىز. ەلىمىزدەگى بەيبىتشىلىك پەن كەلىسىم - مەملەكەتىمىزدە تۇرىپ جاتقان حالىقتىڭ مادەنيەتى مەن دانالىعىنىڭ جەمىسى. وڭىردە قوعامدىق كەلىسىم مەن جالپى ۇلتتىق بىرلىكتى نىعايتۋ، ءتىل مەن مادەنيەتتى، سالت- ءداستۇردى نىعايتۋ بويىنشا جۇيەلى جۇمىس جۇرگىزىلەدى. قوعامدىق كەلىسىم - تاۋەلسىز قازاقستاننىڭ باستى جەتىستىگى»، - دەدى ءوڭىر باسشىسى بولات باقاۋوۆ مەرەكەگە وراي قۇتتىقتاۋىندا.
مەرەكەگە وراي «قۇلاگەر» يپپودرومىندا بايگە ماۋسىمى اشىلدى. سايگۇلىككە مىنگەن وبلىس اكىمى دە يپپودرومدا ءجۇرىپ ءوتتى. بايگەگە پاۆلودار وبلىسى مەن استانا، كوكشەتاۋ، پەتروپاۆل، قاراعاندى، شىعىس قازاقستان وڭىرلەرىنەن شامامەن 60 ادام قاتىستى. 
ءداستۇر بويىنشا ءۇش قاشىقتىق بويىنشا بايگە ۇيىمداستىرىلدى. جەڭىمپازدارعا تەلەديدار مەن تەمىر تۇلپارلاردىڭ كىلتتەرى تابىس ەتىلدى.
