قازاقستاننىڭ وڭتۇستىگى مەن باتىسىندا شاڭدى داۋىل كوتەرىلەدى

استانا. قازاقپارات - اتموسفەرالىق اعىنداردىڭ وتۋىنە بايلانىستى قازاقستاننىڭ شىعىس جانە وڭتۇستىك- شىعىس ايماقتارىندا قۇبىلمالى اۋا رايى ساقتالادى، كەي جەرلەرىندە جاڭبىر جاۋادى، قالعان وڭىرلەردە كۇن اشىق.

بۇل تۋرالى قازگيدرومەت حابارلايدى. رەسپۋبليكانىڭ كەي جەرلەرىندە تۇمان تۇسەدى، شاڭدى داۋىل تۇرىپ، جەل كۇشەيەدى. جامبىل وبلىسىنىڭ كەي جەرلەرىندە جەل 15-20، ەكپىنى 23-28 م/س جەتەدى، تۇمان كۇتىلەدى.

الماتى وبلىسىنىڭ كەي جەرلەرىندە تۇندە تۇمان بولىپ، كۇندىز جەل 15-20 م/س كۇشەيەدى. شىعىس قازاقستان، سولتۇستىك قازاقستان وبلىستارىندا، تۇندە جانە تاڭەرتەڭ قاراعاندى وبلىسىنىڭ كەي جەرلەرىندە تۇمان ءتۇسۋى ىقتيمال.

وڭتۇستىك قازاقستان،  قىزىلوردا، اتىراۋ، ماڭعىستاۋ وبلىستارىنىڭ كەي جەرلەرىندە شاڭدى داۋىل كوتەرىلىپ، جەلدىڭ كۇشى 15-20 م/س بولادى. كۇندىز باتىس قازاقستان وبلىسىنىڭ، تۇندە پاۆلودار وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى.