قازاقستان ۇلتتىق قۇراماسىنىڭ ويىنشىسى الەمنىڭ ۇزدىك قاقپاشىسى اتاندى

الماتىلىق «قايرات» فۋتزال كلۋبى مەن قازاقستان ۇلتتىق قۇراماسىنىڭ قاقپاشىسى يگيتا 2016 -جىلعى الەمنىڭ ۇزدىك قاقپاشىسى اتاندى، دەپ حابارلايدى vesti.kz.

بۇل اتاقتى قاقپاشى وسىمەن ەكىنشى رەت جەڭىپ الىپ وتىر. كلۋبتار اراسىنداعى وتكەن جىلدىڭ ۇزدىك باپكەرى حەسۋس ۆەلاسكو اتاندى.

ونىڭ باستاماسىمەن «ينتەر موۆيستار» جۇما كۇنى «قايراتتان» ۇستەم ءتۇسىپ، ۋەفا كۋبوگىنىڭ فينالىنا شىقتى. ال «قايراتتىڭ» باس باپكەرى كاكاۋ بولسا ەكىنشى ورىندا. ۇلتتىق قۇرامالاردىڭ تىزگىنىن ۇستاپ جۇرگەن باپكەرلەر اراسىندا ديەگو گيستوتستسي (ارگەنتينا) ۇزدىك اتانسا، قازاقستان قۇراماسىنىڭ بۇرىنعى باپكەرى كاكاۋ ءۇشىنشى ورىنعا جايعاسىپتى. 2016 -جىلدىڭ ۇزدىك فۋتزالشى اتاعى ريكاردينوعا بۇيىردى. ال ونىڭ كومانداسى «ينتەر موۆيستار» وتكەن جىلدىڭ ۇزدىك كلۋبى انىقتالدى. «قايرات» بولسا ءۇشىنشى ورىندا.

www.24.kz