ساۋد ارابياسىندا جاراتقانعا سەنبەيتىنىن ايتقان اتەيست ءولىم جازاسىنا كەسىلدى
بۇل تۋرالى Laze Time حابارلادى.
ول يسلامنان باز كەشكەنىن دالەلدەيتىن ۆيدەونى جاريالاعانى ءۇشىن 2014 -جىلى سوتتالعان.
ايىپتاۋشى تاراپتىڭ ارىزىنا سايكەس، جاريالاعان ۆيدەوسىندا كۇدىكتى مۇحاممەد (س. ع. س) پايعامباردى مىنەپ- سىناعان، دەپ جازادى Erem News.
احمەد تۇتقىنعا الىنعاننان كەيىن، قورعاۋشىلارى بىرنەشە رەت اپپەليالىق شاعىم تۇسىرگەن. الايدا جۋىردا ساۋد ارابياسىنىڭ جوعارعى جانە اپپەلياتسيالىق سوتى 30 جاستاعى احمەد ال- ءشامريدىڭ ارىزىن كەرى قايتارىپ، وعان ءولىم جازاسىن كەستى.
The Independent باسىلىمىنىڭ حابارلاۋىنشا، مەملەكەت بيلىگى ەر ادامنىڭ ۇستىنەن كەسىلگەن ۇكىمدى رەسمي تۇردە راستاعان جوق.
قورعاۋشىسى ۆيدەو تۇسىرىلگەن ساتتە احمەدتىڭ اقىل- ەسىنىڭ دۇرىس بولماعانىن ايتىپ، اقتاۋعا تىرىستى. ول سول شاقتا كۇدىكتىنىڭ ەسىرتكى جانە ىشىمدىك قابىلداعانىن مالىمدەدى.
جالپى ساۋد ارابياسىندا 2014 -جىلعى پاتشا بۇيرىعىنا سايكەس، اتەيستەر تەرروريستەرگە تەڭەستىرىلگەن. ال يسلامنان باز كەشكەندەر ۇزاق ۋاقىتقا تۇرمەگە توعىتىلىپ، ءتىپتى، ءولىم جازاسىنا كەسىلۋى مۇمكىن.
