تاتۋ- ءتاتتى بىرلىكتە ءومىر سۇرەيىك - ديماش قۇدايبەرگەن
«ءبارىمىز ءبىر شاڭىراقتىڭ استىندا ءومىر سۇرەمىز! 1 - مامىر - ىنتىماق، بىرلىك كۇنى قۇتتى بولسىن!!! ءتۇرىمىز باسقا تىرەگىمىز ءبىر، ءجۇزىمىز باسقا جۇرەگىمىز ءبىر - تاتۋ- ءتاتتى بىرلىكتە ءومىر سۇرەيىك!!!»، - دەپ جازدى ءانشى ءوزىنىڭ جەكە پاراقشاسىنا.
ءوز كەزەگىندە قىتايلىق جانكۇيەرلەر ديماشقا جىلى كيىنىپ ءجۇر، كوبىرەك تاماق ءىش، ءوزىڭدى كۇت دەپ كەڭەس بەردى جانە ءانشىنى ساعىنعاندارىن، ونىڭ قىتايعا كەلۋىن تاعاتسىزدانا كۇتىپ جۇرگەندەرىن جەتكىزدى.
ەسكە سالا كەتسەك، ديماش قۇدايبەرگەن MTV Music Awards سىيلىعىنا ۇسىنىلدى جانە جاقىندا اقىن، فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ «تەلەراديو جانە پيار» كافەدراسىنىڭ دوتسەنتى وڭايگۇل تۇرجان قىتايلىق فاناتتار ەرەكشە قىزىعۋشىلىق تانىتقان «ديماش» اتتى كىتاپتى جارىققا شىعاردى. وندا ديماشتىڭ بالا كەزدەگى ومىرگە كوزقاراسى، انشىلىك شەبەرلىگىن ۇشتاۋى، اتا- اناسىنان بويعا سىڭىرگەن قاسيەتتەرى، «Singer» بايقاۋى مەن قىتاي كورەرمەندەرىنىڭ وزىندىك ەرەكشەلىكتەرى تۋرالى ايتىلعان.
اۆتور: ايجان سەرىكجان قىزى
