بوكس: مەكسيكالىقتار سويلىبايەۆتىڭ جەڭىسىن جەر تەپكىلەپ قارسى الدى

استانا. قازاقپارات - مەكسيكالىق جانكۇيەرلەر بەكمان سويلىبايەۆ پەن (11-0, 4 ك و) سامۋەل گونسالەستىڭ (13-5, 9 ك و) ايقاسىندا تورەشىلەردىڭ جەڭىستى قازاقستاندىققا بەرگەنىنە قاتتى قارسىلىقتارىن ءبىلدىردى، دەپ جازادى Sports.kz.

سويلىبايەۆ گونسالەستى تورەشىلەردىڭ (96:92, 97:93, 93:97) ەكىگە جارىلعان شەشىمىمەن باسىم ءتۇسىپ، ەكىنشى جەڭىل سالماقتا WBC International بەلبەۋىن يەلەندى. مانۋەل بەرناردو اگيررە ورتالىعىندا جينالعان مەكسيكالىقتار بۇل شەشىمدى قاتتى ىسقىرىپ، جەر تەپكىلەپ قارسى الدى.

ەسكە سالا كەتسەك، بەكمان سويلىبايەۆ بۇل كەشتەگى مەكسيكالىقتاردان باسقا جالعىز قاتىسۋشى بولعان ەدى.