07:30, 01 - مامىر 2017 | GMT +5
استانا اكىمى ەلوردا تۇرعىندارىن بىرلىك كۇنى مەرەكەسىمەن قۇتتىقتادى
استانا. قازاقپارات - ەلوردا اكىمى بۇگىن قالا تۇرعىندارى مەن قوناقتارىن قازاقستان حالقىنىڭ بىرلىگى كۇنى مەرەكەسىمەن قۇتتىقتادى. اكىمنىڭ قۇتتىقتاۋى بۇگىن قالا اكىمدىگىنىڭ رەسمي سايتىندا جاريا ەتىلدى.
«قۇرمەتتى استانالىقتار جانە قالا قوناقتارى! سىزدەردى 1 -مامىر - قازاقستان حالقىنىڭ بىرلىگى كۇنى مەرەكەسىمەن قۇتتىقتايمىن! ەلباسىمىزدىڭ ساليقالى ساياساتىنىڭ ارقاسىندا ەلىمىزدە ءتۇرلى ۇلىستار ءبىر شاڭىراق استىندا تاتۋ- ءتاتتى عۇمىر كەشۋدە. الەمدە بالاماسى جوق قوعامدىق ينستيتۋت - قازاقستان حالقى اسسامبلەياسى بەرەكەنىڭ ۇيىتقىسىنا اينالدى. ىنتىماق پەن بىرلىك - قازاقستاننىڭ باستى بايلىعى. ىشكى تاتۋلىعىمىز بەرىك بولىپ، ەلىمىز وركەندەي بەرسىن. مەرەكەدەن مەرەكەگە جاقسىلىقپەن، جاڭا تابىسپەن جەتە بەرەيىك»، - دەلىنگەن اكىمنىڭ قۇتتىقتاۋىندا.
