08:55, 01 - مامىر 2017 | GMT +5
ايەلدى توناۋشىنىڭ وعىنان سومكەسى قۇتقارىپ قالدى
استانا. قازاقپارات - نيۋ-يورك قالاسىندا توناۋشى ءوز اۆتوموبيلىنىڭ جۇك سالعىشىنا زاتتارىن قويىپ جاتقان 39 جاستاعى ايەلگە كەنەتتەن شابۋىل جاساعان.
ول تاپانشاسىمەن قورقىتىپ كولىكتىڭ كىلتىن سۇراعان. ءبىراق ايەل قارسىلىق كورسەتكەن كەزدە كۇدىكتى قارۋىن ونىڭ كەۋدەسىنە تاقاپ تۇرىپ، اتىپ جىبەرگەن. وق سومكە مەن ءامياننان ءوتىپ، كيىمگە تۇرىپ قالعان.
بۇعان جىنى كەلگەن قاراقشى ايەلدىڭ باسىنان تاپانشامەن ۇرىپ، كىلتتى العان دا كولىككە ءمىنىپ ءىزىن سۋىتقان، دەپ جازادى New York Daily News. پوليتسيا توناۋشىنى قىلمىس ورنىنان التى شاقىرىم جەردەن قولعا ءتۇسىردى. وعان ادام ومىرىنە قاستاندىق جاساۋ، توناۋ، زاڭسىز قارۋ ۇستاۋ، سونداي-اق قاراقشىلىق ماقساتتا قارۋدى پايدالانۋ بويىنشا ايىپ تاعىلدى. زارداپ شەككەن ايەل اۋرۋحاناعا جاتقىزىلدى.
اۆتور: ەرلان قوجاكەلديەۆ
