08:41, 01 - مامىر 2017 | GMT +5
ۇلى بريتانيانىڭ بۇرىنعى پرەمەرى عۇمىرناما جازۋ ءۇشىن جىلجىمالى ساراي ساتىپ الدى
استانا. قازاقپارات - ۇلى بريتانيانىڭ بۇرىنعى پرەمەر-ءمينيسترى دەۆيد كەمەرون عۇمىرناما جازۋمەن شۇعىلدانۋ ءۇشىن 25 مىڭ فۋنتقا جىلجىمالى ساراي ساتىپ الدى.
ساياساتكەر بۇل سارايدى ءوز ءۇيىنىڭ اۋلاسىنا قويدى. قولدان جاسالعان كونسترۋكسيانىڭ ىشىنە اعاش پەش جانە ديۆان قويىلعان. سونداي-اق قابىرعاعا قوي جۇنىنەن جاسالعان جىلىتقىش پايدالانىلعان. كەمەروننىڭ ايتۋىنشا، سارايدى ديزاينەرلىك بەزەندىرۋمەن جۇبايى سامانتا اينالىسقان، دەپ حابارلايدى BBC News.
كەمەروندار وتباسىندا بۇل قۇرىلىستى پايدالانۋعا بايلانىستى تالاس-تارتىس از بولماعانعا ۇقسايدى. بۇرىنعى پرەمەر سارايدا ءومىربايان جازۋدى كوزدەسە، ساياساتكەردىڭ بالالارى قۇرىلىستى ويىن ۇيشىگىنە اينالدىرۋ قاجەت دەپ ەسەپتەيدى.
اۆتور: ەرلان قوجاكەلديەۆ
