كۋبادا اپاتقا ۇشىراعان ۇشاق جولاۋشىلارىنىڭ بارلىعى قازا بولدى
CiberCuba ينتەرنەت- پورتالىنىڭ مالىمەتىنشە، بورتتا بولعان ادامداردىڭ بارلىعى قازا بولدى. ت ا س س اگەنتتىگى NTN24 تەلەارناسىنا سىلتەمە جاساپ حابارلاۋىنشا، باراكوا قالاسىنان ۇشىپ شىققان Aerogaviota كۋبالىق اۋە كومپانياسىنىڭ ۇشاعى ارالدىڭ باتىس بولىگىندە ورنالاسقان پينار- دەل- ريو قالاسى اۋماعىندا راداردان جوعالىپ كەتتى.
Aerogaviota اۆياكومپانياسى ۇشاقتىڭ اپاتقا ۇشىراعانىن راستادى. شەتەلدىك ب ا ق- تاردىڭ ءبىرى اۋە كولىگىندە 39 ادام بولعاندىعىن جانە 8 ادامنىڭ قازا بولعانىن حابارلاسا، CiberCuba پورتالى وقيعا سالدارىنان ءتىرى قالعاندار جوقتىعىن جازۋدا.
پورتالدىڭ حابارلاۋىنشا، ىشكى رەيستى جۇزەگە اسىرماق بولعان ۇشاقتىڭ سىنىقتارى گاۆانادان باتىسقا قاراي 80 شاقىرىم جەردە، لاس- لوماس- دە- سان- كريستوبال اتالاتىن تۋريستىك ايماقتان تابىلدى. ۇشاق بورتىندا كىمدەردىڭ بولعانى بەلگىسىز. كۋبانىڭ رەسمي بيلىگى وقيعاعا قاتىستى ازىرگە ەشقانداي اقپارات تاراتپادى.
