ءىلياس جانسۇگىروۆتىڭ ءتولقۇجاتىنىڭ ءتۇپنۇسقاسى مۋزەيگە تاپسىرىلدى - فوتو

تالدىقورعان. قازاقپارات - الماتى وبلىستىق ءى ءى د قىزمەتكەرلەرى ءىلياس جانسۇگىروۆ تۋرالى قۇندى قۇجاتتاردى اقىننىڭ تالدىقورعانداعى ادەبي-مەموريالدىق مۋزەيىنە تابىستادى، دەپ حابارلايدى قازاقپارات ءتىلشىسى.

قازاق ەلىنىڭ زيالىسى، اقىن ءىلياس جانسۇگىروۆ قازاق ادەبيەتىنىڭ دامۋىنا ەلەۋلى ۇلەس قوسقان تۇلعالاردىڭ ءبىرى. وتكەن عاسىردىڭ 30- جىلدارىندا حالىق جاۋى دەپ قۋدالانعان قالامگەر 1937 -جىلى تۇتقىندالدى. ال 1938 -جىلدىڭ اقپانىندا ول اتۋ جازاسىنا كەسىلگەن بولاتىن. مۋزەيگە بەرىلگەن زاتتاردىڭ اراسىندا ەڭ قۇندىسى رەتىندە ءىلياس جانسۇگىروۆتىڭ پاسپورتىنىڭ ءتۇپنۇسقاسىن اتاپ وتۋگە بولادى.

ءتولقۇجات وعان 1936 -جىلى الماتى قالاسىندا بەرىلىپتى. مۇنان بولەك، اقىندى قاماۋعا العان كەزدە الدىنان جانە قىرىنان تۇسىرىلگەن سۋرەتتەر دە بار. الماتى وبلىستىق ءى ءى د اقپاراتتىق- ساراپتاما ورتالىعى باسشىسىنىڭ ورىنباسارى، پوليتسيا پولكوۆنيگى جانار تۇرعانبەكوۆانىڭ ايتۋىنشا، اقىن شىعارماشىلىعى - تاريح.

ال ونىڭ اتىمەن بايلانىستى زاتتار وتكەننەن سىر شەرتەتىن مول مۇرا. سوندىقتان بۇل مۇرا ءتيىستى ورىندا ساقتالۋى كەرەك. انىقتالعانداي، ق ر ۇلتتىق قاۋىپسىزدىك كوميتەتى بىرنەشە جىل بۇرىن رەپرەسسياعا ۇشىراعان ازاماتتاردىڭ كوپ قۇجاتتارىن پوليتسيا قۇزىرىنا تاپسىرعان. ولاردىڭ ىشىندە الاش زيالىلارى تۋرالى سىر شەرتەتىن قۇندى قۇجاتتار بار.

اۆتور: سامال قابىشەۆا