جەمقورلىققا قارسى ءىس-قيمىل تۋرالى ۇلتتىق بايانداما العاش رەت كوپشىلىككە جاريالاندى - فوتو
قۇجاتتا جەمقورلىققا قارسى كۇرەس سالاسىندا قابىلدانعان زاڭنامالىق شارالارعا جاسالعان شولۋ، قازىر بار پروبلەمالاردىڭ ءاناليزى، سونداي- اق ولاردى شەشۋ بويىنشا ۇسىنىستار قامتىلعان. ۇلتتىق بايانداما قازاقستان رەسپۋبليكاسىندا سىبايلاس جەمقورلىققا قارسى ساياساتتىڭ ىسكە اسىرىلا باستاعان 1993-1995 -جىلدارعا شولۋدان باستالادى.
ودان ءارى جەمقورلىقتىڭ حالىقارالىق جانە ۇلتتىق دەڭگەيلەردە تارالۋىنىڭ جاي-كۇيى مەن ءۇردىسى تۋرالى ايتىلادى.
«ساراپشىلاردىڭ باعالاۋىنشا، جەمقورلىقتىڭ %1 عا ازايۋى ج ءى ءو- نىڭ %1-1,5 عا ارتۋىنا ىقپال ەتەدى، ال ج ت ي- دىڭ (جەمقورلىقتى ءتۇيسىنۋ يندەكسى) 2,4 باللعا جاقسارۋى ج ءى ءو- نىڭ جىل سايىنعى ءوسىمىن %0,5 عا ارتتىرۋعا سەبەپ بولادى. وسىعان بايلانىستى، قازاقستاندىقتاردىڭ سوڭعى 5 جىلداعى ءال- اۋقاتى دەڭگەيىنىڭ كورسەتكىشتەر ديناميكاسى زەرتتەلىپ، حالىقتىڭ جان باسىنا شاققانداعى ج ءى ءو ءوسىمى %37 عا، تومەنگى كۇنكورىس دەڭگەيىنىڭ %22 عا، جان باسىنا شاققانداعى ورتاشا تابىستىڭ %46 عا ارتقانىن كورسەتتى. بۇگىنگى تاڭدا بۇكىل الەم سىبايلاس جەمقورلىقتىڭ حالىقتىڭ ءال- اۋقاتى دەڭگەيىنە تيگىزەتىن ىقپالىن باعالاۋ كەزىندە سىبايلاس جەمقورلىقتى قابىلداۋدىڭ دجيني جانە يندەكس كوەففيسەنتتەرىنىڭ كورسەتكىشتەرىن نەگىزگە الادى. سوڭعى جىلدارى اتالعان ەسەپتەردەگى قازاقستاننىڭ ورنى وزگەرىسسىز قالىپ وتىر دەۋگە بولادى. الايدا، ينفلياتسيانى ەسكەرە وتىرىپ، ازاماتتاردىڭ ناقتى كىرىستەرىنىڭ ازداپ وسكەنى تۋرالى تۇجىرىم جاساۋعا بولادى»، - دەلىنگەن وندا.
ايتا كەتەيىك، مەملەكەت باسشىسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدا ينفلياتسيا دەڭگەيىن كەزەڭ- كەزەڭىمەن %3-4 عا تومەندەتۋ مىندەتىن بەلگىلەپ بەردى. سونداي-اق ەكونوميكانىڭ ءتۇرلى سالالارىندا، سونىڭ ىشىندە ءبىلىم بەرۋ، قۇرىلىس، اۋىل شارۋاشىلىعى، جەر قاتىناستارى، كۆازيمەملەكەتتىك سەكتورداعى سىبايلاس جەمقورلىققا اسەر ەتەتىن سەبەپتەر مەن جاعدايلار اتاپ كورسەتىلگەن.
جەمقورلىقپەن كۇرەس قىزمەتكەرلەرى 2016 -جىلى قىلمىستىق قۇقىق بۇزۋشىلىقتار ءۇشىن 470 تۇلعاعا ايىپپۇل قولدانعان، ونىڭ جالپى سوماسى 2,5 ميلليارد تەڭگەگە جۋىقتى قۇرادى. كەلتىرىلگەن شىعىننىڭ ورنىن تولتىرۋ ماقساتىندا 5,9 ميلليارد تەڭگە سوماسىنداعى مۇلىككە تىيىم سالدى.
قۇجاتتاعى اقپاراتقا سۇيەنسەك، قازاقستاندا ەڭ كوپ تاراعان جەمقورلىق قىلمىسىنىڭ ءتۇرى پاراقورلىق بولىپ تابىلادى، ەكىنشى ورىندا - جىمقىرۋ، ءۇشىنشى ورىندا - قىزمەتتىك لاۋازىمدى اسىرا پايدالانۋ، تورتىنشىدە - قىزمەتتىك جالعاندىق. ايتا كەتەيىك، 2017 -جىلدىڭ 6 -ءساۋىرى كۇنى ەلباسى ن. نازاربايەۆ سىبايلاس جەمقورلىققا قارسى ءىس-قيمىل تۋرالى ۇلتتىق باياندامانى ماقۇلداپ، بارلىق مەملەكەتتىك ورگاندارعا ونداعى ۇسىنىمداردى ساپالى ىسكە اسىرۋ بويىنشا شارالار قابىلداۋ تاپسىرماسىن جۇكتەدى. سىبايلاس جەمقورلىققا قارسى ءىس- قيمىل تۋرالى ۇلتتىق باياندامانىڭ تولىق ءماتىنى.
