06:56, 30 - ءساۋىر 2017 | GMT +5
قازاقستاندىق جيۋ-جيسۋدان حالىقارالىق تۋرنيردە قولا جۇلدە الدى
استانا. قازاقپارات - Jiu-Jitsu Grand Slam Paris Open JJIF 2017 حالىقارالىق تۋرنيرىنىڭ ءبىرىنشى كۇنى قازاقستان قۇراماسىنا العاشقى قولا مەدالدى ماڭعىستاۋلىق سپورتشى ابۋباكىر جانىبەك سالدى، دەپ حابارلايدى قازاقستاننىڭ جيۋ-جيسۋ قاۋىمداستىعىنىڭ باسپا ءسوز قىزمەتى.
«سايىس وتە تارتىستى ءوتتى، باسەكەلەستىك كۇشتى بولدى. العاشقى كۇرەستە جاستار اراسىنداعى جيۋ- دجيسۋ چەمپيونى، فرانسيا قۇراماسىنىڭ سپورتشىسى توۋاتي ديۋلاندى جەڭدىم. ەكىنشى ايقاستا ۋكراينالىق سپورتشىدان جەڭىلىپ قالدىم. ءارى قاراي شۆەتسيانىڭ، فرانسيانىڭ سپورتشىلارىمەن كەزدەستىم. ءۇشىنشى ورىن ءۇشىن رەسەي قۇراماسىنان كەلگەن قارسىلاسىم مىقتى بولدى، 6:2 ەسەبىمەن جەڭىسكە جەتتىم»، - دەدى حالىقارالىق تۋرنيردىڭ قولا جۇلدەگەرى ابۋباكىر جانىبەك.
حالىقارالىق تۋرنير پاريجدە ءوتىپ جاتىر. بۇگىن ۇلتتىق قۇراما سپورتشىلارى نەۆازا- سيستەم بويىنشا چەمپيون اتاعى ءۇشىن باق سىنايدى.
