قازاقستان جانە وزبەكستان پرەزيدەنتتەرى و ق و- داعى شاراپ جاسايتىن كاسىپورىنعا باردى
دەپ حابارلايدى اقوردانىڭ باسپا ءسوز قىزمەتى.
مەملەكەتتەر باسشىلارىنا «Caspian Food» جاۋاپكەرشىلىگى شەكتەۋلى سەرىكتەستىگىن ارالاۋ بارىسىندا كاسىپورىننىڭ ءجۇزىم ءوسىرۋ، شاراپ جاساۋ ءىسىن دامىتۋ سالاسىنداعى جۇمىسى جونىندە مالىمەت بەرىلدى.
ەكى ەلدىڭ باسشىلارى ءجۇزىم قابىلداۋ جانە ونى فەرمەنتاتسيالاۋ ساتىسىنىڭ تەحنولوگيالىق جەلىسىمەن تانىستى، سونداي- اق ءونىم تازارتىلىپ، قۇتىلارعا قۇيىلاتىن سەحتاردى ارالاپ كوردى. نۇرسۇلتان نازاربايەۆ پەن شاۆكات ميرزيەيەۆكە ءجۇزىم القابى مەن جاڭعاق ەگىلەتىن اۋماقتار كورسەتىلدى.
ايتا كەتەرلىگى، زاۋىتتىڭ اق جانە قىزىل شاراپ ءوندىرۋ ءۇشىن قاجەتتى قۋاتتىلىعى جەتكىلىكتى، سونداي- اق شىعارىلاتىن شاراپتىڭ ساپاسىنا باقىلاۋ جۇرگىزەتىن زەرتحانا بار. كاسىپورىنداعى وندىرىستىك كەزەڭ ەۋروپالىق ۇزدىك ستاندارتتارعا ساي جۇزەگە اسىرىلادى.
