تەرروريستىك تۇرعىدان وسال نىسانداردىڭ قاۋىپسىزدىگى استانا بيلىگىنىڭ ايرىقشا باقىلاۋىنا الىندى
كەڭەس جۇمىسىنا قۇقىق قورعاۋ ورگاندارىنىڭ جانە كۇش قۇرىلىمدارىنىڭ، تەرروريستىك تۇرعىدا وسال نىسانداردىڭ جانە جەكە مەنشىك كۇزەت ۇيىمدارىنىڭ باسشىلارى نىسانداردىڭ باسشىلارى قاتىستى، دەپ حابارلايدى استانا قالاسى اكىمدىگىنىڭ باسپا ءسوز قىزمەتى.
تاراپتار EXPO حالىقارالىق كورمەسىن وتكىزۋ قارساڭىندا ەلوردا حالقىنىڭ جانە تۋريستەردىڭ قاۋىپسىزدىگىن قامتاماسىز ەتۋدىڭ ايرىقشا ماڭىزدىلىعىن اتاپ كورسەتتى. استانا قالاسىنىڭ ىشكى ىستەر دەپارتامەنتىنىڭ اقپاراتىنا سايكەس، تەرروريستىك تۇرعىدا وسال نىسانداردى تەكسەرۋ قورىتىندىسى بويىنشا ولاردىڭ ينجەنەرلىك قورعانىسىنا، باسشىلىق پەن قىزمەتكەرلەردىڭ تەرروريستىك سيپاتتاعى قاۋىپ تۋىنداعاندا نەمەسە قىلمىس جاسالعاندا ءبىرىنشى كەزەكتە جاسالاتىن ارەكەتتەرگە دايىندىعىنا قاتىستى ءبىرقاتار كەمشىلىكتەر انىقتالدى.
ماسەلەلەردى قاراۋ قورىتىندىسى بويىنشا، تەرروريستىك تۇرعىدا وسال نىسانداردىڭ جانە جەكە مەنشىك كۇزەت كاسىپورىندارىنىڭ باسشىلارىنا زاڭدا قاراستىرىلعان شارالاردى قارجىلاندىرۋ بويىنشا ۇسىنىستار بەرىلدى. سونىمەن بىرگە، كاسىپورىنداردىڭ يەلەرى مەن قۇرىلتايشىلارىنا قىزمەتكەرلەر مەن كەلۋشىلەردىڭ ءومىرى مەن دەنساۋلىعى ءۇشىن قاتاڭ جاۋاپكەرشىلىك جۇكتەلگەن. تەرروريستىك تۇرعىدا وسال بارلىق نىساندارداعى قاۋىپسىزدىك ماسەلەلەرى قالا بيلىگىنىڭ ايرىقشا باقىلاۋىنا الىنعان.
www.24.kz
