اتىراۋ قالاسىندا «ماڭعىستاۋ- ءۇستىرت» حالىقارالىق ەكسپەديسياسى باستالدى

استانا. قازاقپارات - ماڭعىستاۋ ءۇستىرت ەكسپەديتسياسىنا قاتىسۋشىلار -  اتىراۋ، اقتاۋ، جاڭاوزەن قالالارىنىڭ ىنتاگەرلەرى، سانكت- پەتەربۋرگ پەن ماسكەۋ قالالارىنان كەلگەن «رەسەي گەوگرافيالىق قوعامىنىڭ» مۇشەلەرى.

ەكسپەديتسيا سەرىكتەستەرى - «قاز مۇناي گاز ونىمدەرى» ج ش س، «قازاقستان-2050» جالپى ۇلتتىق قوزعالىسى. ال ەكسپەديتسيانى ۇيىمداستىرۋشىلار «WheelsBrothers»  موتوكلۋبى.

«قازاقستان-2050» جالپى ۇلتتىق قوزعالىسىنىڭ اقپاراتى بويىنشا، ەكسپەديتسيانىڭ ماقساتى -  باتىس قازاقستاننىڭ ەڭ اسەم جەرلەرىن كورۋگە مۇمكىندىك بەرەتىن باعىتتاردى جاساقتاۋ. ۇيىمداستىرۋشىلاردىڭ باستى مىندەتى تۋريستەرگە ءوڭىردى ءوتىپ بارا جاتىپ ەمەس، تولىق ءبىر باعىتپەن جۇرە وتىرىپ تانىسۋعا مۇمكىندىك بەرۋ.

ەكسپەديتسيا قازاقستانداعى ىشكى، سىرتقى ەكولوگيالىق، تانىمدىق، وقيعاعا تولى جانە ەكستريمالدى تۋريزمنىڭ دامۋىنا قوساتىن ۇلەس بولىپ تابىلادى. حالىقارالىق تۋريستەر قوعامى ءۇشىن ءوڭىر ايتارلىقتاي قىزىق بولعانمەن، كەڭ دالاعا كىرىپ كەتۋگە كەز- كەلگەننىڭ ءداتى بارا بەرمەيدى. سۋ كوزدەرى، تۇنەپ شىعۋ ورىندارى، انىقتاما بەرەتىن ورتالىقتار تۋرالى ناقتى، ءارى جۇيەلەندىرىلگەن اقپاراتتىڭ جوقتىعى كوپتەگەن جانداردى ءۇستىرت شوقىسى مەن ماڭعىشلاق جارتى ارالىن تاماشالاۋ مۇمكىندىگىنەن ايىرىپ وتىر.

 ايتا كەتەرلىك جايت، اتالمىش ەكسپەديتسيا ءوز الدىنا تۋريستەر مەن بارلىق نيەتى بار ازاماتتاردى وسى باعىت ارقىلى وسىناۋ تابيعاتى اسەم جەرلەرمەن تانىستىرۋ مىندەتىن قويىپ وتىر. بۇل تۋرالى strategy2050.kz سايتى حابارلايدى.