الەم ساياحاتشىلارىنا تۇركى الەمىن تانىستىراتىن تۋريستىك توپتاما اشىلدى

الماتى. قازاقپارات - قازاقستان، تۇركيا، ازەربايجان، قىرعىز ەلىنىڭ تاريحي ورىندارى، تۇركى الەمىنىڭ مادەنيەتى مەن تاريحىن تانىستىراتىن زاماناۋي جىبەك جولى بىرلەسكەن تۋريستىك توپتاماسى بۇگىن الماتىداعى ينتەركونتينەنتال قوناق ۇيىندە تانىستىرىلدى،

  دەپ حابارلايدى قازاقپارات ءتىلشىسى.

ايتا كەتەيىك، 2014 -جىلى تۇركيانىڭ بودرۋم قالاسىندا تۇرىك كەڭەسىنە (تۇركيا، قازاقستان، ازەربايجان، قىرعىز ەلى - رەد) مۇشە مەملەكەتتەر پرەزيدەنتتەرىنىڭ قاتىسۋىمەن كەڭەستىڭ 4- سامميتىندە «تۋريزم سالاسىنداعى ىنتىماقتاستىق» تاقىرىبى تالقىلانعان بولاتىن.

 جيىندا تۇرىك كەڭەسى ەلدەرى مينيسترىلىكتەرىنىڭ شەشىمىمەن كەڭەس حاتشىلىعى «تۇرىك كەڭەسىنىڭ بىرلەسكەن زاماناۋي جىبەك جولى تۋريستىك توپتاماسى جوباسى» ازىرلەنگەن. ونىڭ ماقساتى - جىبەك جولى تاريحي ورىندارىمەن تۋريستىك باعىتتى دامىتۋ. وسىدان كەيىن، 2016 -جىلى تۇرىك كەڭەسىنە مۇشە ەلدەردىڭ 11 تۋر وپەراتورلارىنىڭ بىرلەسۋىمەن اتالعان جوبانى جۇزەگە اسىرۋ ءۇشىن كونسورتسيۋم قۇرىلدى.

تۇركيالىق «انتۋر» تۋريستىك كومپانياسى كونسورتسيۋمنىڭ ۇيلەستىرۋشىسى رەتىندە بەلگىلەندى. ءدال وسى جىلى ىستىقكولدە وتكەن تۇرىك كەڭەسىنە مۇشە ەلدەردىڭ تۋريزم سالاسىنا جاۋاپتى ۆەدومسۆتولارىنىڭ 3- جيىنىندا جوبانى جۇزەگە اسىراتىن ايماقتىق، حالىقارالىق جول كارتاسى بەكىتىلدى. بۇل جيىندا كونسورتسيۋمعا مۇشە تۋريستىك وپەراتورلار دۇنيەجۇزىلىك ساۋدا ۇيىمىنىڭ عالامدىق ەتيكالىق كودەكسىنە قول قويعان بولاتىن. بۇگىنگى الماتىدا وتكەن اتالعان تۋريستىك جوبانى تانىستىرۋ بارىسىندا تۇرىك كەڭەسى باس حاتشىسىنىڭ ورىنباسارى ومەر حودجامان جوبانىڭ نەگىزگى مىندەتىن ايتىپ بەردى.

«تۋر توپتاما باعدارلاماسى 14 كۇننەن تۇرادى. جوبا باعدارى بويىنشا ساياحاتشىلار تۇركيادا: ىستانبۇل- كايسەري- نيۆشەحير (كاپادوكيا) ، اقساراي- كونيا- ىستانبۇل باعىتتارى بويىنشا، ازەربايجاندا: گەندجي، شەكي، شاماحا، باكۋ. قازاقستاندا: الماتى- تۇركىستان، شىمكەنت، تاراز، قىرعىزستاندا: بىشكەك، نارىن، تاش- رابات، چولپان اتا - (ىستىقكول) بىشكەك» باعىتتارى بويىنشا ساياحاتتاي الادى. بۇل باعىتتى تانىستىرۋعا ارنالعان العاشقى اقپاراتتار تۋر 21 - ساۋىردەن 5 -مامىر مەن 12 - مامىر مەن 26 -مامىر الاعىنىدا وتەدى. وعان ب ا ق وكىلدەرى، بلوگەرلەر، ساراپشىلار، حالىقارالىق تۋر وپەراتورلار قاتىسادى»، - ومەر حودجامان.

 ونىڭ ايتۋىنشا، تۋر توپتامانى ساياحاتشى ءوز قالاۋىنشا دەمالادى. ياعني، بيىل تەك، تۇركيا مەن ازەربايجاندى عانا كورگىسى كەلگەن ادام 14 كۇندىك ساپاردىڭ جارتىسىن عانا الۋى مۇمكىن. قازاقستان تاراپىنان قىزمەت كورسەتەتىن «گلوبال ەير» تۋريستىك كومپانياسىنىڭ باس ديرەكتورى گۇلدەن وسپانوۆا تۋريستىك توپتاما اسا قىمبات بولمايتىنىن ايتتى.

«ەكى اپتادا جىبەك جولى باعىتىمەن ءجۇرىپ ءوتۋى كەرەك بولادى. كانىگى تۋريستەر ءۇشىن بۇل ارينە، ۇزاق ۋاقىت. سوندىقتان، ءبولىم- بولىمگە دە ءبولىپ الۋعا بولادى. تۇركيا مەن قىرعىز ەلىن، قازاقستان مەن ازەربايجاندى كورگىسى كەلگەندەر ءۇشىن بولەك توپتاما ساتىلادى. ءبىز ساياحاتشىلار ءۇشىن قىزىقتى باعداردى تاڭداۋعا جاعداي جاسادىق. اركىم ءوز ەلىندە جىبەك جولىنىڭ تاريحي ورىندارىن تانىتۋعا بارىنشا كۇش سالدى. ەندى ۇيىمداستىرىلعان اقپاراتتىق تۋر ارقىلى ءبىزدىڭ الماتىنىڭ قاتتى ۇناعانىن بايقادىق.

 ايتا كەتەيىك، قازاقستاندا اقپاراتتىق تۋر 28 - ءساۋىر مەن 1 - مامىر ارالىعىندا ءوتىپ جاتىر. تۋريستەر الماتى، شىمكەنت، تۇركىستان، وتىرار، تارازدى تاماشالايدى. مەنىڭشە، بولاشاقتا تۋر توپتامانىڭ باعاسى ساياحاتشىنىڭ قالتاسى كوتەرەتىندەي بولماق»، - دەيدى گۇلدەن وسپانوۆا.

ونىڭ ايتۋىنشا، جىبەك جولى دەگەن اتاۋدىڭ ءوزى تۋريستەردى قىزىقتىرا تۇسپەك.

 «شەتەلدىك تۋريستەرگە ءبىزدىڭ ەلدەردى كورىپ، تاريحي ورىندارىمەن تانىسۋ قاتتى قىزىقتىرماق. ءبىز ساياحاتشىنىڭ جاعدايىنا بايلانىستى دا قىزمەت تۇرلەرىن ۇسىنامىز. مىسالى، ءبىزدىڭ توپتاما دا قىمبات تا، ارزان دا قوناق ۇيلەر ۇسىنىلماق. باتىس ەلدەرى مەن شىعىس ەلدەرىنىڭ ساياحاتشىلارىنىڭ كوزقاراستارىنا وراي دا قىزىقتى باعدارلامالار ۇسىنىلماق»، - دەدى ول.

تۇرىك كەڭەسى باس حاتشىسىنىڭ ورىنباسارى ومەر حودجاماننىڭ ايتۋىنشا، اتالعان جوبا بيىلعى جىلدىڭ شىلدەسىنەن باستاپ جۇزەگە اسپاق. ومەر حوجدامان ساياحاتشىلار تۇركى الەمىنىڭ مادەنيەتى مەن تاريحىن عانا تانىتىپ قويماي، تۇرىك الەمىنىڭ ادەبي مۇراسى دا ساياحاتشىلارعا ۇسىنىلاتىنىن ايتتى.

 اۆتور: الماس مۇقاش ۇلى