ديماش تۋرالى كىتاپقا قىتايداعى جانكۇيەرلەرى قاتتى قىزىعۋشىلىق تانىتىپ وتىر
اقىن، فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ «تەلەراديو جانە PR» كافەدراسىنىڭ دوتسەنتى وڭايگۇل تۇرجاننىڭ ءانشى ديماش قۇدايبەرگەن ۇلىنا ارنالعان جاڭا كىتابىنىڭ شىققانى تۋرالى اقپارات كەشە ب ا ق ارقىلى جاريا بولدى.
بۇل جاڭالىقتى «قازاقپاراتتىڭ» قىتاي تىلىندەگى اۋدارىلعان نۇسقاسىنان وقىعان ديماشتىڭ قىتايداعى جانكۇيەرلەرى سول ەلدەگى الەۋمەتتىك جەلىلەردە بەلسەندى پىكىر قالدىرىپ، قىزىعۋشىلىق تانىتىپ جاتىر. ونداعى وقىرماندار «ديماش تۋرالى كىتاپ قىتاي تىلىنە اۋدارىلا ما؟ قازاقشا شىققانى بولسادا ساتىپ الساق، قايدان الامىز؟ كىتاپتا ديماشتىڭ قانداي قىرلارى مەن سىرلارى جازىلدى ەكەن؟»، - دەگەن سەكىلدى ساۋالدارى مەن تىلەكتەرىن، وتىنىشتەرىن جازىپ قالدىرىپتى.
ءبىز قىتايداعى جانكۇيەرلەردىڭ پىكىرلەرىن جيناقتاي وتىرىپ كىتاپ اۆتورىن اڭگىمەگە تارتتىق.
«I am a Singer» كونكۋرسىندا باس جۇلدە الماسا دا، ديماشتىڭ تاماشا ءانشى ەكەندىگىن الەم مويىندادى. انشىلىك دەگەن گراممەن ولشەنەتىن سالماق ەمەس. انشىلىك انشىلىكپەن عانا ولشەنەدى. مەن «ديماش» اتتى بۇل كىتابىمدا ديماشتىڭ تالانتى تۋرالى جانە ونىڭ تالانىتىنىڭ تۇپكى نەگىزى تۋرالى جازدىم. كورەرمەندەر مەن ولاردىڭ ونەردى باعالاۋىنىڭ سەبەپتەرى، كونكۋرستىڭ ءوزى، قىتاي كورەرمەندەرىنىڭ وزىندىك ەرەكشەلىكتەرى تۋرالى جازدىم. قىتاي كورەرمەندەرىنىڭ ونەردى باعالاي بىلەتىن قاسيەتتەرى تالاي ەلدەرگە ۇلگى بولاتىنداي ەكەن. سوعان ءسۇيسىندىم جانە وسى تۋرالى ءوزىمنىڭ ويلارىمدى ءبىلدىردىم، كىتاپتا ولارعا زور العىسىمدى ايتتىم.
ديماش ءوزىنىڭ انشىلىك شەبەرلىگىن قالاي ۇشتادى، ول ءوز اتا- اناسىنان قانداي قاسيەتتەردى بويىنا ءسىڭىردى، يميدج دەگەنىمىز نە دەگەن ماسەلەرگە كەڭ ورىن بەرىلدى. ديماشتىڭ جاڭا يميدجى، يميدج جاساي ءبىلۋدىڭ ءوزى دە ۇلكەن ونەر ەكەندىگىن تانىتتى. مەن ءوزىم پيار تەورياسى مەن پراكتيكاسى تۋرالى ىستانبۇل ۋنيۆەرسيتەتىنىڭ پروفەسسورلارى ايدەمير جانە ايلا وكايمەن بىرىگىپ وقۋلىق جازعان مامانمىن. «يميدجەلوگيا» اتتى وقۋ قۇرالىنىڭ اۆتورىمىن. وسى پاندەر بويىنشا ۋنيۆەرسيتەتتە لەكسيا وقيمىن. سوندىقتان ديماشتىڭ يميدجىن مىسالعا الا وتىرىپ، يميدج تۋرالى جازعان تۇجىرىمدارىم وقىرماندارعا، جالپى ونەر ادامىنا جاڭا باعىت بەرەر دەگەن ويدامىن.
كىتاپتا ديماشتىڭ اتا- اناسى قانات ايتبايەۆ پەن سۆەتلانا ايتبايەۆانىڭ ايتقان وي- پىكىرلەرى بارشىلىق. ءتىپتى نەگىزىنەن وسى كىسىلەردىڭ ايتقاندارىنا سۇيەنىپ جازدىم دەسەم دە بولادى. ديماشتىڭ بالا كەزدەگى ومىرگە كوزقاراسى تۋرالى دا كەڭەيتىپ ايتتىم. ول كوزقاراستى قايدان تاپقانىم كىتاپتا جازىلعان. بۇل كىتاپ تۋرالى قىتاي وقىرماندارىنىڭ قىزىعۋشىلىق تانىتىپ جاتقانى مەنى قاتتى قۋانتتى. قىتاي تىلىنە اۋدارىپ، قىتايدا شىعارساق، ارينە، وتە جاقسى بولار ەدى. سول جاقتا تۇساۋكەسەرىن دە وتكىزۋگە بولار ەدى. مۇنىڭ ءوزى ەكى ەلدىڭ مادەنيەتى مەن ونەرى تۋرالى ىقپالداستىعىمىزدى دا ارتتىرا تۇسەر ەدى»، - دەيدى كىتاپ اۆتورى، اقىن وڭايگۇل تۇرجان.
اۆتور: باقىتجول كاكەش
