اسقار مامين استانا كونتررەتتەۋىشىنىڭ جۇمىسىمەن تانىستى

استانا. قازاقپارات - بۇگىن قازاقستان رەسپۋبليكاسى پرەمەر- ءمينيسترىنىڭ ءبىرىنشى ورىنباسارى اسقار مامين استانانىڭ اۋداندارى مەن پەرسپەكتيۆالىق قۇرىلىستارىن سۋ تاسقىنىنان ينجەنەرلىك قورعاۋعا ارنالعان استانا كونتررەتتەۋىشىنىڭ جۇمىسىمەن تانىستى.

ق ر ىشكى ىستەر ءمينيسترىنىڭ ورىنباسارى يۋ. يلين استانا كونتررەتتەۋىشىنىڭ قازىرگى جۇمىسى تۋرالى باياندادى.

ونىڭ ايتۋىنشا، كونتررەتتەۋىش ۇزىندىعى 31 ك م بولاتىن قورعانىش بوگەتىنەن تۇرادى جانە 450 ميلليون تەكشە مەتر كولەمگە دەيىن تاسقىن سۋدى ۋاقىتشا ۇستاپ تۇرا الادى.

يۋ. يلين قازىرگى ۋاقىتتا كونتررەتتەۋىشتە استانا (ۆياچەسلاۆ) سۋ قويماسىنان تاستالعان 250 ميلليون تەكشە مەتر سۋ جيناقتالعانىن حابارلادى. كونتررەتتەۋىش ەسىل وزەنىنە سەكۋندىنا 40 تەكشە مەتردەن اسپايتىن سۋدى (تاۋلىگىنە 3,5 ميلليون تەكشە مەتر) وتكىزەدى.

ەسكە سالا كەتسەك، نىسان قۇرىلىسى 2010 -جىلى اياقتالدى جانە سول جىلى استانا كونتررەتتەۋىشى 31,8 ميلليون تەكشە مەتر سۋدى ۇستاپ قالدى. وندا 2014 -جىلى - 138 ميلليون ³m، 2015 -جىلى - 249,8 ميلليون ³ m، 2016 -جىلى - 45,0 ميلليون ³m سۋ جينالدى، وسىلايشا استانا قالاسى مەن ونىڭ توڭىرەگىن سۋ باسۋدان قورعاۋ قامتاماسىز ەتىلدى.

 ارالاۋ قورىتىندىسى بويىنشا ق ر پرەمەر- ءمينيسترىنىڭ ءبىرىنشى ورىنباسارى ق ر ءى ءى م مەن استانا قالاسىنىڭ اكىمدىگىنە ءبىرقاتار ناقتى تاپسىرمالار بەردى. ا. مامين «استانا كونتر رەتتەۋىشىنىڭ جاعدايىنا تۇراقتى مونيتورينگ جۇرگىزۋ قاجەتتىگىن» باسا ايتتى.