تالدىقورعان- وسكەمەن تاسجولىنىڭ قۇرىلىسى ءبىر ايدان كەيىن باستالادى

تالدىقورعان. قازاقپارات - تالدىقورعان- وسكەمەن تاسجولىنىڭ قۇرىلىسى ءبىر ايدان سوڭ باستالادى دەپ جوسپارلانۋدا.

 بۇل جونىندە ينۆەستيتسيالار جانە دامۋ ءمينيسترى جەڭىس قاسىمبەك ۇكىمەت باسشىسىنىڭ جەتىسۋلىقتارمەن كەزدەسۋى بارىسىندا ءمالىم ەتتى، دەپ حابارلايدى قازاقپارات ءتىلشىسى.

اتالعان جول قۇرىلىسى بويىنشا تالدىقورعاندىق تۇرعىننىڭ سۇراعىنا جاۋاپ بەرگەن مينيستر، الدىمەن تالدىقورعان- اياگوز باعىتى بويىنشا جوندەۋ جۇمىستارى باستالاتىنىن ايتتى. ودان كەيىن جول قۇرىلىسى وسكەمەنگە دەيىن جالعاسادى. سونداي- اق ول ءۇشارال- دوستىق جولى جوندەلەتىنىن جەتكىزدى.

 ايتا كەتۋ كەرەك، الماتى- تالدىقورعان تاسجولى تولىقتاي جاڭا تالاپقا ساي ەتىپ جاڭارتىلۋدا. اتالعان جوبا اياقتالۋعا جاقىن. قازىر تالدىقورعان مەن كوكسۋ اۋدانىنداعى ارالىقتا جولدىڭ قۇرىلىسى ءجۇرىپ جاتىر. حالىق الماتى مەن تالدىقورعان اراسىنا بۇعان دەيىن كولىكپەن كەمىندە 5 ساعاتتان استام ۋاقىت جۇرسە، قازىر 2-2,5 ساعاتتىڭ ىشىندە جەتۋگە مۇمكىندىك تۋدى. «نۇرلى جول» باعدارلاماسى اياسىندا اتالعان جوبا بويىنشا تاس جولدىڭ 245 شاقىرىمى جاڭارتىلۋدا.

 ەستەرىڭىزگە سالا كەتەيىك، 28 -ءساۋىر كۇنى ۇكىمەت باسشىسى باقىتجان ساعىنتايەۆ الماتى وبلىسىندا جۇمىس ساپارىمەن بولدى. ول ءوڭىر جۇرتشىلىعىمەن كەزدەسىپ، ەلباسىنىڭ جولداۋىنداعى ماقسات- مىندەتتەردىڭ ورىندالۋىن پىسىقتادى، رۋحاني جاڭعىرۋ باعىتىندا اتقارىلار جۇمىستار جونىندە ءمالىم ەتتى. پرەمەر- مينيسترمەن بىرگە وبلىسقا 4 مينيستر كەلدى. ولار ءوز سالالارى بويىنشا مەملەكەتتىك باعدارلامالاردىڭ جۇزەگە اسىرىلۋ بارىسىن ءتۇسىندىرىپ، تۇرعىندار تاراپىنان قويىلعان سۇراقتارعا جاۋاپ بەردى.

اۆتور: سامال قابىشيەۆا