باقىتجان ساعىنتايەۆ الماتى وبلىسىندا الەۋمەتتىك نىسانداردىڭ جۇمىسىمەن تانىستى

استانا. قازاقپارات - ق ر پرەمەر- ءمينيسترى باقىتجان ساعىنتايەۆ الماتى وبلىسىنا جۇمىس ساپارى بارىسىندا الەۋمەتتىك ينفراقۇرىلىم نىساندارىنىڭ جۇمىسىن باعالادى.

  سولاردىڭ ىشىندە كوپ بەيىندى اۋرۋحانا، جاستارعا قىزمەت كورسەتۋ ورتالىعى جانە تالدىقورعان قالاسىنىڭ وقۋشىلار سارايى بار، سونىمەن قاتار 2016-2019 -جىلدارعا ارنالعان «دەنساۋلىق» باعدارلاماسىن ىسكە اسىرۋ بارىسى مەن ءوڭىر مەكتەپتەرىندەگى ءۇش تىلدە ءبىلىم بەرۋگە اۋىسۋعا دايىندىق بارىسى تۋرالى باياندامالاردى تىڭدادى.

 تالدىقورعانداعى كوپ بەيىندى اۋرۋحانانى ارالاۋ كەزىندە باقىتجان ساعىنتايەۆ كلينيكالىق- دياگنوستيكالىق ءبولىم مەن از ينۆازيۆتى ءبولىمدى، سونىمەن قاتار كومپيۋتەرلىك جانە ماگنيتتى- رەزونانستى توموگرافيا كابينەتتەرىن ارالادى. ق ر پرەمەر- ءمينيسترى «دەنساۋلىق» باعدارلاماسى اياسىندا جاڭا نىساندار قۇرىلىسى مەن ماتەريالدىق- تەحنيكالىق بازانىڭ جاڭارتىلۋى جۇرگىزىلىپ جاتقانىن ايتتى. بيىل وبلىستا اۋىلداعى مەديتسينا قىزمەتتەرىنىڭ ساپاسىن ارتتىرۋعا مۇمكىندىك بەرەتىن التى دارىگەرلىك امبۋلاتوريانىڭ قۇرىلىسى اياقتالادى.

جالپى وبلىس حالقىنا 826 مەكەمەدە مەديتسينالىق كومەك كورسەتىلەدى، ونىڭ ىشىندە 663  مەملەكەتتىك، 163  جەكەمەنشىك مەكەمە.

 ق ر پرەمەر- مينيسترىنە مامانداندىرىلعان ج ق ق و- نىڭ اعىمداعى جاعدايى تۋرالى باياندالدى، وندا ينتەرنەت- كىتاپحانا، «جاسىل ەل» وبلىستىق شتابىنىڭ كابينەتى مەن جاستارعا قىزمەت كورسەتۋ ءبولىمى جۇمىس جاسايدى. 2016 - جىلى سالىنعان ورتالىقتا جىل سايىن وبلىستىڭ 700-گە جۋىق جاس تۇرعىنى وزەكتى ماسەلەلەردى شەشۋدە كومەك الادى.

 مۇنداي ورتالىقتار جاستارعا پراكتيكالىق كومەك بەرىپ قانا قويماي، ق ر ۇكىمەتى تاراپىنان قولداۋ شارالارى تۋرالى پايدالى اقپارات ۇسىنادى.

 وسىلايشا، «جاستار ءىس- تاجىريبەسى»، «ديپلوممەن - اۋىلعا» جانە «جاسىل ەل» باعدارلامالارىنىڭ ارقاسىندا ستۋدەنتتەر مەن تۇلەكتەر ماۋسىمدىق جانە تۇراقتى جۇمىس ورىندارىمەن قامتاماسىز ەتىلەدى. سونداي- اق، بيىل كاسىبي- تەحنيكالىق ءبىلىم بەرۋ باعدارلامالارىن جۇزەگە اسىرۋ باستالادى، ول جاستارعا جۇمىسشى ماماندىقتاردى تەگىن الۋعا مۇمكىندىك بەرەدى.

 وقۋشىلار سارايىن ارالاۋ كەزىندە باقىتجان ساعىنتايەۆقا وڭىردەگى مەكتەپتەردەگى ءۇش ءتىلدى ءبىلىم بەرۋگە كوشۋگە دايىندىق جايى باياندالدى. سونىمەن قاتار، دارىندى بالالارعا ارنالعان مامانداندىرىلعان مەكتەپتەر بازاسىندا جانە «ءبىلىم - يننوۆاتسيا» ليتسەيلەرىندە جاراتىلىستانۋ- ماتەماتيكالىق سيكل پاندەرى اعىلشىن تىلىندە وقىتىلادى.

 ايتا كەتۋ كەرەك، مەملەكەت باسشىسىنىڭ تاپسىرماسىنا سايكەس، ادام كاپيتالىنىڭ ساپاسىن ارتتىرۋ قازاقستانداعى ەكونوميكالىق ءوسىمنىڭ جاڭا ۇلگىسىن قالىپتاستىرۋ كەزىندەگى باسىمدىقتاردىڭ ءبىرى رەتىندە كورسەتىلگەن. وسىعان وراي، ق ر ۇكىمەتى الەۋمەتتىك ينفراقۇرىلىمدى دامىتۋ مەن دەنساۋلىق ساقتاۋ جانە ءبىلىم بەرۋدىڭ زاماناۋي جۇيەلەرىن قالىپتاستىرۋ بويىنشا كەشەندى جۇمىستار جۇرگىزۋدە.