ساۋد ارابياسى ءمينيسترى ق ر- دا مۇناي ءوندىرۋ كولەمىن ازايتۋ ماسەلەسىن تالقىلايدى
دەپ حابارلايدى «قازاقپارات» ح ا ا ءتىلشىسى.
«مينيستر بوزىمبايەۆ ەكەۋىمىزدىڭ دە، ەكى ەلدىڭ دە مۇددەسى ءبىر جەردەن شىعىپ جاتاتىن تۇسى كوپ. و پ ە ك- كە مۇشە ەلدەر مۇناي ءوندىرۋدى ازايتۋ تۋرالى ۋاعدالاستىق جاسادى. وزدەرىڭىز بايقاعانداي، ونىڭ ناتيجەسى نارىقتا كورىنىس تاپتى. بۇل ماسەلەگە قولداۋ بىلدىرگەندەرىڭىز ءۇشىن العىس ايتامىز. وسى كۇندەرى - بۇگىن- ەرتەڭ كەلىسىمدى ۇزارتۋ ماسەلەسىن تالقىلاعىم كەلەدى»، - دەدى ول ەنەرگەتيكا ءمينيسترى قانات بوزىمبايەۆپەن كەزدەسۋدەن كەيىن وتكەن باسپا ءسوز ءماسليحاتىندا.
ول سەنبى كۇنى باقىتجان ساعىنتايەۆپەن كەزدەسەتىنىن حابارلادى.
«مەن ەرتەڭ ق ر پرەمەر- مينيسترىمەن كەزدەسىپ، الداعى جارتىجىلدىقتا نە ىستەيتىنىن سۇرايمىن. نارىقتىڭ العا جىلجىپ جاتقانىن اتاپ وتكەن ءجون»، - دەپ اتاپ ءوتتى شەتەلدىك مينيستر.
ەسكە سالايىق، قازاقستان و پ ە ك- كە شيكىزات ءوندىرۋدى 2016 -جىلعى كورسەتكىشپەن سالىستىرعاندا (تاۋلىگىنە 1,7 ميلليون باررەل) وسى جىلدىڭ ءبىرىنشى جارتىسىندا تاۋلىگىنە 20 مىڭ باررەلگە دەيىن ازايتۋدى ۋادە ەتكەن بولاتىن.
