موڭعوليا ديپلوماتتارى ءنازىر تورەقۇلوۆ اتىنداعى مەدالمەن ماراپاتتالدى - فوتو
دەپ حابارلادى قىتايداعى «قازاقپارات» ح ا ا ءتىلشىسى.
كورمەنىڭ اشىلۋىنا موڭعوليا سىرتقى ىستەر ءمينيسترىنىڭ ورىنباسارى باتمۋنحيين باتتسەتسەگ، ۇلى مەملەكەتتىك حۋرال دەپۋتاتتارى، جەرگىلىكتى بيلىك ورگاندارى، ديپلوماتيالىق كورپۋس وكىلدەرى مەن قازاق دياسپوراسى، موڭعوليا قوعام قايراتكەرلەرى قاتىستى.
موڭعوليا سىرتقى ىستەر ءمينيسترىنىڭ ورىنباسارى باتمۋنحيين باتتسەتسەگ سويلەگەن سوزىندە فوتوكورمە ەكى ەل اراسىنداعى دوستاستىق قاتىناستاردى نىعايتۋ جانە تەرەڭدەتۋگە ىقپال ەتىپ، قازاقستان مەن موڭعوليا اراسىنداعى تاتۋ كورشىلىك باعىتتىڭ كورىنىسى بولىپ تابىلاتىنىن اتاپ ءوتتى.
موڭعولياداعى قازاقستان ەلشىسى قابىلبەك قوبلاندين بۇرىنعى قازاقستانداعى موڭعوليا ەلشىسىن ەلدەر اراسىنداعى ەكىجاقتى قاتىناستاردى دامىتۋعا قوسقان ۇلەسى ءۇشىن ءبىرىنشى قازاق ديپلوماتى - ءنازىر تورەقۇلوۆ اتىنداعى مەدالمەن ماراپاتتادى.
ەسكە سالساق، ءنازىر تورەقۇلوۆ (1893-1937) - العاشقى قازاق ديپلوماتى، كورنەكتى قوعام قايراتكەرى. تورەقۇلوۆ اتىنداعى «قازاقستاننىڭ سىرتقى ساياساتىن دامىتۋعا قوسقان ۇلەسى ءۇشىن» مەدالى - ق ر س ءى م ۆەدومستۆولىق ناگراداسى 2003 -جىلى بەلگىلەنگەن.
