شىعىس قازاقستاندا تۋريستىك ايماقتارداعى جولدار جوندەلەدى

 وسكەمەن. قازاقپارات - شىعىس قازاقستان وبلىسىندا تۋريستىك بازا اۋماعىنداعى جولداردى بەلسەندى تۇردە جوندەۋدەن وتكىزىپ جاتىر، دەپ حابارلايدى «قازاقپارات» ح ا ا ءتىلشىسى ش ق و اقپارات ورتالىعىنا سىلتەمە جاساپ.

 ولاردىڭ ىشىندە الاكول، مارقاكول، سيبين كولىنە الىپ باراتىن جولدار بار. بيىل وبلىستىق ماڭىزى بار اۆتوموبيل جولدارىن دامىتۋعا 5,7 ميلليارد تەڭگە بولىنەتىن بولادى. ونىڭ 231 ميلليون تەڭگەسى قايتا قۇرۋعا، 3,8 ميلليارد تەڭگەسى ورتاشا جوندەۋگە جانە 1,7 ميلليارد تەڭگەسى جولدى قامتاماسىز ەتۋگە جۇمسالادى.

بيىل الاكولگە باراتىن جول جوندەلەدى. مارقاكولگە باراتىن «تەرەكتى- ۋرۋنحايكا- توسكايى» جولدارى قايتا قۇرىلادى. بۇدان بولەك، التاي ءالپىسى دەمالىس ورنىنا، اباي اۋدانىنداعى جيدەباي شاتقالىنا الىپ باراتىن جولدار جوندەۋدەن ءوتتى. ورتاشا ەسەپپەن 122 شاقىرىم جول، سونىڭ ىشىندە وبلىستىق ماڭىزى بار 112 شاقىرىم جول جوندەۋدەن وتەدى.