ءدىني ەكسترەميزم قۇربانى بولعان ايەلدىڭ وقيعاسى مينيستر ابايەۆقا قاتتى اسەر ەتتى
اسەلدىڭ بۇل اڭگىمەسى ق ر اقپارات جانە كوممۋنيكاتسيالار ءمينيسترى داۋرەن ابايەۆقا قاتتى اسەر ەتكەن، دەپ حابارلايدى قازاقپارات ورتالىق كوممۋنيكاتسيالار قىزمەتىنە سىلتەمە جاساپ. «مەملەكەت باسشىسىنىڭ قاتىسۋىمەن ق ح ا سەسسياسى ءوتتى. وتە قىزىق اڭگىمەلەر ايتىلدى. ءاربىر وقيعا دەرەكتى فيلمگە ارقاۋ بولا الادى. مەن اسەل بازاربايەۆانىڭ باستان كەشكەن وقيعاسىنان ۇلكەن اسەر الدىم. ول ديسترۋكتيۆتى ءدىني اعىمنىڭ قۇربانى بولعانى انىقتالدى. جاس قىز راديكاليزمنەن سىتىلىپ شىعىپ، ءداستۇرلى دىنگە ورالدى. ونىڭ راديكاليزمنەن باس تارتۋىنا ولاردىڭ اتا- انادان كەتۋىن تالاپ ەتۋى تۇرتكى بولىپتى. بۇل ءبىزدىڭ حالىقتىڭ وتباسىلىق ءداستۇرى ءالى مىقتى ەكەندىگىن كورسەتەدى. قازىر ول ءوزى سياقتى ايەلدەرگە، تۋعان- تۋىستارى، وتباسىنا قايتا ورالۋلارىنا كومەك كورسەتىپ ءجۇر»، - دەدى مينيستر «حابار» تەلەارناسىنداعى «اشىق ديالوگ» اتتى باعدارلامادا.
ايتا كەتەيىك، اسەل بازاربايەۆا قازىر ءتورت بالانىڭ اناسى اتانىپ وتىر. مەكتەپ فورماسىن جەتكىزەتىن شاعىن عانا بيزنەسپەن اينالىسادى. قازىرگى كەزدە مەملەكەتتىك الەۋمەتتىك تاپسىرىستارعا دا قاتىسا باستاعان. سونىمەن قاتار اسەل ءدىني ەكسترەميزمنەن زارداپ شەككەن ادامداردى وڭالتۋمەن اينالىسىپ ءجۇر.
اۆتور: جاسۇلان جولدىبايەۆ
