تاسقىننان زارداپ شەككەن اقتوبەلىك قىزعا ءۇي الاتىن بيزنەسمەن تۋرالى نە بىلەمىز - فوتو
بالا كەزىندە كولىك جۋىپ كۇنىن كورگەن ازامات بۇگىندە ەلىمىزدەگى ەڭ قالتالى كاسىپكەردىڭ بىرىنە اينالعان دەپ حابارلايدى NUR. KZ پورتالى.
«اقتوبەگە ماحابباتتىڭ وتباسىمەن كەزدەسۋ ءۇشىن ۇشىپ بارامىن. ولاردىڭ بايلانىس ءنومىرىن تابۋعا كومەكتەسكەن بارلىقتارىڭىزعا راحمەت. بالالاردى اللا تاعالا بار جاماندىقتاردان ساقتاسىن»، - دەپ جازعان قايرات ءوز جەلى پاراقشاسىندا.
تاسقىننان زارداپ شەككەن وتباسىنا ءۇي الۋعا ءسوز بەرگەن قايرات بۇگىندە ءوز كاسىبىن اشقان، سونىمەن قاتار «قازاق التىن» كونسەرنىندە التىن ءوندىرۋ ىسىمەن اينالىسادى.
كاسىپكەردىڭ پاراقشاسىنا كىرسەڭىز، ونىڭ قىمبات كولىكتەرمەن شەتەلدە دەمالىپ جۇرگەنىن كورەسىز.
قايرات ا ق ش- تىڭ مايمي قالاسىن «فورد مۋستانگ» كولىگىمەن ارالاپ ءجۇر.
تاعى ءبىر فوتودا قايراتتى پاريج قالاسىنان كورە الامىز.
كاسىپكەر قىمبات كولىكتەرىنىڭ فوتوسىن دا ءجيى جۇكتەپ وتىرادى.
ونىڭ كولىكتەردەن بولەك بالالاردى دا قاتتى جاقسى كورەتىنىن بايقاۋعا بولادى.
قايرات جارىمەن جانە بالالارىمەن تۇسكەن فوتولارىن جاريالاۋدى ۇمىتپايدى.
كاسىپكەردىڭ شالقىعان ومىرىنە قاراپ، ونى باي وتباسىنان شىققان دەپ ويلاۋىڭىز مۇمكىن. دەگەنمەن كاسىپكەر شىن مانىندە جەتىستىكتەرگە بىرتىندەپ ءوز كۇشىمەن جەتكەن.
قايرات istory.kz سايتىنا بەرگەن سۇحباتىندا ومىردە تالاي قيىنشىلىقتاردى ەڭسەرگەنىن العا تارتتى. قايرات بالا كەزىندە كولىك جۋىپ، ەت، قاربىز، ويىنشىق ساتىپ اقشا تاپقان. اۋىلدا مال باققان. بازاردا مايدا-شۇيدە زاتتار ساتقان 11 جاسار قايرات وزىنە ۆەلوسيپەد ساتىپ الۋعا اقشا جيناي الىپتى.
جاس جىگىت جەتىستىككە جەتۋىنە كوپ كىتاپ وقىعانى سەپتىك بولعانىن ايتۋدا.
«مەن مال باققاندا كوپ كىتاپ وقيتىنمىن. بۇل مەنىڭ بىلىمدىلىگىمدى كوتەردى»، - دەيدى ول.
مەكتەپتەن كەيىن قايرات كيروۆ اۋىلىنان جالعىز اۆتوبۋس قاتىنايتىن وقۋ ورنىنا تۇسەدى. ول ءوز وقۋىن داياشى بولىپ جۇمىس ىستەپ ءجۇرىپ، ءوزى تولەگەن. وقۋىن بىتىرگەسىن ءتۇرلى جۇمىس ورىندارىندا قىزمەت ەتكەن قايرات قۇرىلىس سالاسىنا بەت بۇرادى.
ءىرى قۇرىلىس كومپانياسىنا ءساتتى جۇمىسقا تۇرا العان ازامات قاراجات جيناپ ءوز كومپانياسىن اشۋعا بەل بۋادى. ءوزى اشقان THS GROUP دەپ اتالاتىن قۇرىلىس كومپانياسىندا باستاپقىدا بەس-اق ادام جۇمىس ىستەگەن. كۇن-ءتۇن دەمەي تەر توككەن كاسىپكەر بۇگىندە ءوز ەڭبەگىنىڭ جەمىسىن كورۋدە.
بولاشاق جارى ءاليانى قايرات الماتىلىق مەيرامحانالاردىڭ بىرىندە جولىقتىرىپ، قۇلاي عاشىق بولادى.
ول ءاليانىڭ جۇرەگىن جاۋلاۋ وعان وڭايعا سوقپاعانىن جاسىرمايدى. دەگەنمەن بۇگىندە ول جارىمەن جانە بالالارىمەن باقىتتى ەكەنىن ايتىپ ماقتانۋدا.
قايرات ءبىلىم الۋعا ەشقاشان كەش ەمەس دەگەن پىكىردە. ول جاقىندا جەنيەۆالىق بيزنەس مەكتەبىنە وقۋعا ءتۇسىپ، اعىلشىن تىلىندە ءبىلىم الۋعا كىرىسكەن ەكەن.
«مەنى تۇگىم جوق، ءبارى ويداعىداي ەمەس دەپ ايتاتىندار تاڭ قالدىرادى. «كوكەم» جوق بولعاسىن جاقسى جۇمىسقا تۇرا المايمىن، ال بيزنەستى باستاۋعا اقشانى قايدان تابامىن دەپ ومىرىنە شاعىمدانادى. وندايلارعا ايتقىم كەلەتىنى، سىزدەردە ەشتەڭە بولمايدى! سەبەبى، بىردەڭە بولۋ ءۇشىن شاعىم ايتىپ وتىرا بەرمەي، ارەكەت ەتۋ كەرەك»، - دەپ جازعان قايرات پاراقشاسىندا.
