تالدىقورعانعا كوگىلدىر وتىن كەلدى - كەسكىن

تالدىقورعان. قازاقپارات - بۇگىن تالدىقورعاندا تاريحي ءسات. كوپتەن كۇتكەن كوگىلدىر وتىن شاھارعا كەلدى.

پرەمەر- مينيستر باقىتجان ساعىنتايەۆ تاريحي ءساتتىڭ كۋاسى بولدى، دەپ حابارلايدى قازاقپارات ءتىلشىسى.

العاشقى بولىپ قاراتال اۋدانىنداعى 10 جەر ءۇي گازعا قوسىلدى. تالدىقورعاندىق نازگۇل ەسداۋلەتوۆا كوگىلدىر وتىنعا ءۇيىنىڭ العاشقىلاردىڭ ءبىرى بولىپ قوسىلعانىن جانە بۇل قىزمەتى ءۇشىن 98 مىڭ تەڭگە تولەگەنىن ايتتى.

گازعا قولى جەتكەن تۇرعىندار ۇكىمەت باسشىسىنا العىسىن جاۋدىردى. كومىر تاسىپ، وت جاعۋ ماشاقاتىنان قۇتىلدىق دەگەن ولار شاھاردىڭ دامىپ كەلە جاتقانىنا ريزاشىلىقتارىن ءبىلدىردى.

ايتا كەتۋ كەرەك، 2012-جىلدان 2017-جىلعا دەيىن ۇزىندىعى 264,8 كيلومەتر بولاتىن «الماتى-تالدىقورعان» م گ جانە «تالدىقورعان» اگتس سالىندى.

جالپى قۇنى 21,4 ميلليارد تەڭگە. ماگيسترالدى گاز قۇبىرى وبلىستىڭ جالپى تۇرعىندارىنىڭ 410 مىڭ ادامنان اساتىن 6 اۋدانى مەن 3 قالاسىن گازبەن قامتۋعا مۇمكىندىك بەرەدى.

تالدىقورعان قالاسىندا جالپى قۇنى 22,7 ميلليارد تەڭگە بولاتىن قالا ىشىندە  جەلىلەرىنىڭ قۇرىلىسى ءجۇرىپ جاتىر.

جوبا 4 كەزەڭگە بولىنگەن. گازبەن قامتۋ جۇيەسىنىڭ ۇزىندىعى 1,4 مىڭ شاقىرىم. 170 مىڭ ادام گازبەن قامتىلادى دەپ جوسپارلانىپ وتىر.