ەلوردا اكىمى استاناداعى قوعامدىق كولىك جۇيەسىنە قاتىستى تاپسىرمالار بەردى - فوتو
بۇل تۋرالى فەيسبۋكتە قالا اكىمدىگى باسپا ءسوز قىزمەتىنىڭ جەتەكشىسى ەلۆيرا جۇرگەنبايەۆا جاريالادى، دەپ حابارلايدى قازاقپارات.
ورتالىق قىزمەتكەرلەرى شاھار باسشىسىنا ناقتى ۋاقىت رەجىمىندە قوعامدىق كولىكتىڭ قوزعالىسى باعدارىن باقىلايتىن جۇيەنى تانىستىردى. ءوز كەزەگىندە ءا. يسەكەشەۆ قالالىق اۆتوبۋستار جۇمىسىنا بايلانىستى استانا تۇرعىندارى تاراپىنان ءجيى كوتەرىلەتىن ماسەلەلەردى ايتتى.
وسى ورايدا قوعامدىق كولىك جۇمىسىنا جاۋاپتى مەكەمەلەرگە بۇل ەسكەرتۋلەر بويىنشا ءتيىستى شارالاردى قابىلداۋدى تاپسىردى. سونىمەن قاتار قالا اكىمى قاۋىپسىزدىكتى قامتاماسىز ەتۋ باعىتىندا اۆتوبۋستارداعى بەينە باقىلاۋ جۇيەسىنە نازار اۋدارۋ كەرەكتىگىن ايتتى.
بۇدان بولەك ول جولاۋشىلاردى تاسىمالدايتىن جۇرگىزۋشىلەردىڭ بىلىكتىلىگىن ارتتىراتىن ورتالىقتىڭ جۇمىسىمەن تانىسىپ، اۆتوبۋس جۇرگىزۋشىلەرىن ىرىكتەۋ شارالارىنا ەرەكشە ءمان بەرۋ قاجەتتىگىن اتاپ ءوتتى. ەلۆيرا جۇرگەنبايەۆانىڭ الەۋمەتتىك جەلىدە ورنالاستىرعان مالىمەتتەرىنە قاراعاندا، اسەت يسەكەشەۆ تاڭەرتەڭ قالاداعى وزگە دە قۇرىلىس نىساندارىن ارالاپ شىقتى.
