تۇركيادا كونستيتۋتسيالىق رەفەرەندۋمنىڭ سوڭعى قورىتىندىلارى جاريالاندى

استانا. قازاقپارات - تۇركيادا كونستيتۋتسيالىق رەفەرەندۋمنىڭ سوڭعى قورىتىندىلارى جاريالاندى.

ەلدەگى جوعارى سايلاۋ كەڭەسىنىڭ ءتوراعاسى سادي گيۋۆەننىڭ حابارلاۋىنشا، رەفەرەندۋمدا حالىقتىڭ %51,4 كونستيتۋتسياعا وزگەرىستەر ەنگىزۋدى قولداعان، ال %48,6 قارسى داۋىس بەرگەن.

ەندى تۇركيا كونستيتۋتسياسىنا 18 تۇزەتۋ ەنگىزىلەدى. ولار پرەزيدەنتتى پارلامەنت شەشىمىمەن ەمەس، تىكەلەي داۋىس بەرۋمەن سايلاۋعا مۇمكىندىك بەرەدى.

ودان بولەك، پرەمەر-مينيستر لاۋازىمى قىسقارتىلىپ، مينيسترلەردى تاعايىنداۋ قۇقىعىنا پرەزيدەنت يە بولادى.

سونىمەن بىرگە، مەملەكەت باسشىسى پارلامەنتتى تاراتىپ، توتەنشە جاعداي ەنگىزە الادى. ەسكە سالا كەتسەك، داۋىس بەرۋ 16- ساۋىردە ءوتتى.