حامەنەي: يران ەكونوميكالىق وسىمدە باتىستىڭ كومەگىنە سۇيەنبەۋى ءتيىس

 ول وسىلايشا پرەزيدەنت حاسسان روۋحانيدىڭ ەكونوميكالىق وسىمگە سىرتقى ساۋدا جانە شەتەل ينۆەستيتسياسى ارقىلى قول جەتكىزۋ ساياساتىنان باس تارتتى.

 تەگەراندا مۇسىلمان ەلدەرىنىڭ ەلشىلەرىمەن كەزدەسكەن حامەنەي «كانديداتتار ەكونوميكالىق پروبلەمالاردى شەشۋدە شەتەلگە كوز سالماي، مەملەكەتتىڭ ءوز مۇمكىندىكتەرىنە سۇيەنەتىنى تۋرالى ۋادە بەرۋى ءتيىس» دەدى. ول باتىستىڭ «يرانمەن كۇرەسەتىنىن»، سەبەبى «يسلام ولاردىڭ مۇددەلەرىنە كەدەرگى كەلتىرىپ وتىرعانىن» دا ايتتى.

حامەنەيدىڭ قاتاڭ ساياساتتى قولدايتىن جاقتاستارى حالىقارالىق سانكسيالار جويىلعانىنا قاراماستان ەكونوميكانىڭ باياۋ ءوسىمىن پراگماتيك روۋحانيدى كىنالاپ، پرەزيدەنتتىك قىزمەتكە قايتا باقىلاۋ جاساعىسى كەلەدى.

يران 2015 -جىلى يادرولىق باعدارلاماسىن شەكتەۋ تۋرالى الەمدىك دەرجاۆالارمەن كەلىسىم جاساسقاننان بەرى ينفلياتسيا دەڭگەيى تومەندەپ، ەكونوميكالىق ءوسىم 7,4 پايىزعا جەتتى. دەگەنمەن، حالىقارالىق ۆاليۋتا قورىنىڭ باعالاۋىنشا، ەكونوميكانىڭ مۇنايدان وزگە كوپ سالاسىندا ءوسىم 0,9 پايىزدى عانا قۇراپ وتىر.

روۋحانيدىڭ باستى قارسىلاسى، ىقپالدى ءدىني قايراتكەر يبراگيم رايسي جىلىنا 1,5 ميلليون جۇمىس ورنىن اشۋعا ۋادە بەردى. تاعى ءبىر كانديدات، تەگەران مەرى مۋحامماد باكير كاليباف بەس ميلليون جۇمىس ورنىن اشاتىنىن مالىمدەدى.

                 «ازاتتىق» جاڭالىقتارى