ا ق ش- تىڭ سوڭعى ۇلگىدەگى اسكەري ۇشاقتارى ەستونياعا جاتتىعۋعا باردى
استانا. قازاقپارات - امەريكالىق ەڭ زاماناۋي ەكى F-35 جويعىش ءارى بومبالاۋشى ۇشاعى ەستونياعا ۇشىپ باردى. مۇندا ۇشاقتاردى امەريكالىق ۇشقىشتار بىرنەشە اپتا بويى وقۋ- جاتتىعۋعا قاتىسادى.
ا ق ش پەن ونىڭ وداقتاستارى سوڭعى ۇلگىدەگى، رادارعا تۇسپەيتىن ۇشاقتاردىڭ ەۋروپاعا ۋاقىتشا كەلۋىن سيمۆولدىق ءمانى بار اكسيا دەپ سانايدى.
«ۇشاقتاردى ەۋروپادا جاتتىعۋ ماقساتىندا پايدالانۋ ۇشقىشتاردىڭ ەۋروپا ايماعىندا ارەكەت ەتۋ جاعدايىمەن تانىسۋىنا مۇمكىندىك بەرەدى جانە وداقتاستار مەن سەرىكتەستەردى ا ق ش- تىڭ بۇل ايماقتاعى بەيبىتشىلىك پەن تۇراقتىلىقتى قولداۋ ۋادەسىنە بەرىك ەكەنىنە سەندىرەدى» دەلىنگەن ا ق ش- تىڭ ەۋروپاداعى اسكەري- اۋە كۇشتەرىنىڭ قولباسشىلىعى تاراتقان مالىمدەمەدە. ەستونيانىڭ قورعانىس ءمينيسترى مارگۋس تاسحكنا ۆاشينگتوننىڭ بۇل قادامىن «وداقتاستارمەن بىرلىكتىڭ كورىنىسى» دەپ اتادى.
امەريكالىق دەرەككوزدەرىنىڭ مالىمەتىنشە، ۇشاقتار جاتتىعۋ كەزىندە ءتۇرلى مانيەۆرلەردەن وزگە رەسەيدىڭ بالتىق ەلدەرىمەن شەكاراسىندا ورنالاسقان رادارلارىنان جاسىرىنا الاتىن ارتىقشىلىقتارىن دا كورسەتەدى.
http://www.azattyq.org 
