قازاقستان جۋرناليستيكاسى سالاسىندا تاعى ءبىر سىيلىق تاعايىندالدى

«قۇرمەتتى دوستار! بيىلعى جىلى وتاندىق تەلەۆيزيانىڭ ۇزدىكتەرى «تۇمار» سىيلىعىمەن ماراپاتتالعانى بەلگىلى. وسى ورايدا ءبىز باسقا ب ا ق وكىلدەرىنىڭ ەڭبەگىن دە ەسكەرگەندى ءجون كوردىك. سونىمەن، باسپا، راديو- جانە ينتەرنەت جۋرناليستيكا سالاسىنا ارنالعان تۇڭعىش ۇلتتىق «ۇركەر» سىيلىعىن جاريالايمىز»، - دەپ جازدى مينيستر ءوزىنىڭ الەۋمەتتىك جەلىسىندەگى پاراقشاسىندا.

ءمينيستردىڭ سوزىنە قاراعاندا، باستى ماقسات - تالانتتى جۋرناليستەر مەن ساپالى مەديا-جوبالارعا قولداۋ كورسەتۋ. بايقاۋدىڭ قازىلار القاسى وسى سالانىڭ مايتالماندارى مەن قوعام قايراتكەرلەرىنەن جانە ساراپشىلاردان قۇرالادى. قازىلاردىڭ تولىق ءتىزىمى الدىن الا جاريالانادى. «سىيلىق 15 اتالىم بويىنشا بەرىلەدى. جۋرناليستيكانىڭ ءداستۇرلى سالالارىمەن قاتار، «ۇزدىك فوتوسۋرەت»، «قازاقستان تۋرالى ەڭ ۇزدىك تانىمدىق ماتەريال» جانە «قازنەتتەگى مەديا سەرپىلىس» سياقتى باعىتتار قامتىلادى. بايقاۋعا ءوتىنىش 7 -مامىردان باستاپ el.kz سايتىندا قابىلدانادى، سىيلىققا قاتىستى ەگجەي-تەگجەيلى اقپارات تا سوندا بولماق. سالتاناتتى ماراپاتتاۋ جۋرناليستەردىڭ كاسىبي مەرەكەسى قارساڭىندا ۇيىمداستىرىلادى»، - دەيدى داۋرەن ابايەۆ.

اۆتور: ارمان اسقاروۆ