ايتىسكەر قىز ديماشقا ولەڭ ارنادى. «ويباي، قىتايدا ساعان عاشىق قىزدار كوپ دەيدى» - كەسكىن
ازىلمەن قاعىتىپ باستاعان ارناۋ جىرىندا اقىن، ديماش ەلىنىڭ ابىرويىن اسقاقتاتىپ ونەگەلى ءىس جاساعانىن، بارلىق بالا ودان ۇلگى الۋى ءتيىس ەكەنىن ۋاعىزدادى.
ول جاقتا ساعان تەڭدەس ءانشى بولماي،
باقا- شايان تۇيرەگەن باۋىرلاردى،
نايزا ۇستاعان باباڭداي تۇيرەگەنسىڭ.
دۇرىس قوي تاجىريبەمەن الماسقانىڭ،
ول جاقتىڭ تەك جاقسىسىن ۇيرەنەرسىڭ.
قىتايدا ساعان عاشىق قىزدار كوپ دەيدى،
ال سەن ۇلتىن جۇرەكپەن سۇيگەن ەرسىڭ.
سوندىقتان دا ءبارىمىزدى قىزعاندىرماي،
اۋىلدىڭ ءبىر قىزىنا ۇيلەنەرسىڭ.
يگيگاي، يگاي- يگاي، يگيگيگاي- ايي، دەپ ولەڭ جولىن ءبىر وراعان اقىن ءوز ويىن ارى قاراي بىلاي جالعاستىردى:
اينالايىن، قۇداي بەرگەن ديماشىم،
حالىق سەنىڭ ونەرىڭدى سىيلاسىن!
دودالاردان مويىما سەن كۇشتىسىڭ، بويىندا،
قازاقتىڭ بار قاسيەتىڭ جيعانسىڭ.
ديماش دەسە بۇكىل قازاق شۋلايدى،
جاپىراقتاي جۇرەكتەرى تۋلايدى.
اكەڭ ءانشى ءدۇلدۇلىڭ،
شەشەڭ ءانشى بۇلبۇلىڭ،
جاقسىلاردان جامان بالا تۋمايدى.
ەلگە كەلىپ، جاساپ جاتىر كەڭەس- توي،
ەڭبەگىڭمەن جەتكەن جەرىن بەلەس قوي.
مىقتىسىڭدار راسىندا،
بىرگە جۇرگەن قاسىڭدا،
الپامىس تا ۇساق جىگىت ەمەس قوي.
ۇلى قورعان سالعان جەردەن جىلجىماي،
جەڭىس الىپ، جاسادىڭدار توسىن- جاي.
ەلىن سۇيگەن جۇرەكپەن،
جەرىن سۇيگەن جۇرەكپەن،
ءاربىر بالا بولۋى كەرەك وسىنداي!
ونەر دەگەن جەكە- دارا جولىڭ بار،
وركەندەگەن وزدەرىڭىز بولىڭدار،
دودادالاردا تۋ العان،
ديماش ءۇشىن قۋانعان،
اعايىندار، سەندەر دە امان بولىڭدار!
