13:37, 26 - ءساۋىر 2017 | GMT +5
پاۆلودارداعى ۆەلوجارىس ورتالىق ازياداعى ەڭ ۇزىن كوپىر ارقىلى وتەدى
پاۆلودار. قازاقپارات - پاۆلوداردا قازاقستان حالقىنىڭ بىرلىگى كۇنى جاپپاي ۆەلوجارىس ۇيىمداستىرۋ جوسپارلاندى، دەپ حابارلايدى «قازاقپارات» ح ا ا ءتىلشىسى پاۆلودار وبلىستىق اكىمدىگىنىڭ باسپا ءسوز قىزمەتىنە سىلتەمە جاساپ.
جارىسقا 1500 ادام قاتىسادى دەپ كۇتىلۋدە. ءوڭىر اكىمشىلىگىنىڭ اپپاراتتىق جينالىسىندا مارشرۋتتىڭ ۇزاقتىعى 30 شاقىرىمدى قۇرايتىندىعى حابارلاندى. ول پاۆلودار-اقسۋ تاسجولىندا - ورتالىق ازياداعى ەڭ ۇزىن كوپىر ارقىلى وتەدى.
وبلىس ورتالىعىنداعى كەنجەكول اۋىلى اۋماعىنان مىڭعا جۋىق ادام باسەكەنى باستاسا، اقسۋ قالاسىنان ولارعا قاراما-قارسى 500 ادام ۆەلوسيپەدپەن شىعادى.
پاۆلودار وبلىسىنىڭ اكىمى بولات باقاۋوۆ ۆەلوجارىس قاتىسۋشىلارىنىڭ قاۋىپسىزدىگىن قامتاماسىز ەتۋ ءۇشىن بارلىق ماسەلەنى قاراستىرۋدى تاپسىردى.
