قوجاناسىر قازاق پا؟

ءىسى كەرى كەتكەن ادامدى قازاق «قوجاناسىر» دەپ تە اتاپ جاتادى. سونىمەن قوجاناسىر دەگەن كىم؟

قوجاناسىر -  ورتا ازيانى مەكەن ەتكەن تۇركى حالىقتارىنا ورتاق بەينە. ول كۇلكىلى، قالجىڭعا تولى اڭگىمەسىمەن تانىلعان. قوعامنىڭ وتكىر ماسەلەلەرىن كۇلكىگە اينالدىرىپ، قاراپايىم حالىقتىڭ مۇڭ-مۇقتاجىن ازىلمەن ايتقان كەيىپكەردىڭ تۋعان جەرى مەن ۇلتى جايىن ءدوپ باسىپ ايتۋ قيىن.

ءتىپتى قوجاناسىر ومىردە بولماعان، حالىق ويلاپ تاپقان كەيىپكەر دە بولۋى مۇمكىن. اراب، پارسى، تۇرىك، قىتاي جانە ورتا ازيا (سونىڭ ىشىندە قازاق) ادەبيەتىندە قوجاناسىر ايتقان قىسقا قالجىڭ اڭگىمەلەر بار.

بۇل اڭگىمەلەردە قوجاناسىر ءۇي-كۇيى جوق، قۋ، اپەندى، اڭقاۋ، وتكىر ءتىلدى ءازىلقوي ادام بەينەسىندە كورىنەدى.

قوجاناسىر قوعامداعى ءتۇرلى كەلەڭسىزدىكتى اشكەرە ەتىپ، وسكەلەڭ ۇرپاقتى جاقسىلىققا باۋلىعان. قوجاناسىردىڭ نەگىزگى بەينەسى -  كەز كەلگەن جاعدايدان ءسوز بەن قالجىڭ كومەگىمەن سىتىلىپ شىعۋ.

اپەندى بەينەسىنىڭ اجىراماس بولىگى -  ونىڭ ەسەگى. ەسەك كەيدە قالجىڭنىڭ باس كەيىپكەرى بولسا، كەيدە قوجاناسىردىڭ سەرىگى رەتىندە كورىنەدى. الەمنىڭ كوپتەگەن ەلىندە اپەندىگە ەسكەرتكىش قويىلعان.

سونىڭ ءبىرى وزبەكستانداعى بۇقارا قالاسىندا تۇر.

بۇقاراداعى ەسكەرتكىش

قوجاناسىر قالجىڭدارى بۇگىنگى تاڭدا دا وزەكتى. قازاق ساحناسىنان قوجاناسىر تۋرالى قويىلىمدى كورۋگە بولادى، ول تۋرالى مۋلتفيلم تۇسىرىلگەن. ادەبيەتىمىزدە قوجاناسىرعا ۇقساس الداركوسە وبرازى دا بار.

Massaget.kz