تانىمال ءارتىس موتوسيكلدى ايداپ كەتكەندەردى ۇستادى

ەكى ءجاسوسپىرىم كوشەدەگى كولىكتىڭ بىرىنە موتوسيكلمەن كەلىپ سوعىلعان. ءارتىس تۇرا قاشقانداردىڭ ءبىرىنىڭ سوڭىنا تۇسەدى، ال ەكىنشىسىن پوليتسيا قىزمەتكەرى ۇستاپ الادى. «توم وقيعا بولعان كەزدە كوشەدە كەتىپ بارا جاتقان. مەن ودان نە بولدى دەپ سۇراعاندا، ول قاشقان جىگىتتىڭ ءبىرىن بالباقشانى اينالا بەرگەندە ۇستاپ العاندىعىن ايتتى»، - دەيدى كۋاگەر پۋللەن.  

16 جاستاعى ەكى كۇدىكتىنى پوليتسيا قاماۋعا الدى. «ۇستالعان ەكەۋ ۇرلانعان موتوسيكلمەن باعدارشامنىڭ قىزىل تۇسىنە ءوتىپ كەتۋدى ويلاعان، الايدا وسى كەزدە ماشيناعا سوعىلدى»، - دەپ ءمالىم ەتتى پوليتسەيلەر.

39 جاستاعى توم حاردي «جۇلدىزدى جول: كەك الۋ» (Star Trek: Nemesis) فيلمىنە ءتۇسىپ كوپشىلىككە تانىمال بولعان. سودان بەرى ول 30 دان استام فيلمدەگى رولدەردى سومداعان.

اۆتور: جانىبەك امانگەلدى