نەگە باي ادامدار تاڭعى بەستە تۇرادى؟
استانا. قازاقپارات - Starbucks جەلىسىنىڭ پرەزيدەنتى ميشەل گااس 15 جىل بويى تاڭعى 4:30 دا ۇيقىسىنان ويانىپ كەلەدى.
تابىستى جوبالاردىڭ اۆتورى گرەتحەن رۋبەن تاڭعى 6 دا تۇرىپ، ۇيدەگىلەر ۇيىقتاپ جاتقاندا جۇمىسىنا كىرىسەدى ەكەن. قازاقتىڭ بەلگىلى كاسىپكەرى احمەتبەك نۇرسيلا كۇن سايىن تاڭعى 6 دا ويانادى.
كوپتەگەن كىتاپتا جەتىستىكتىڭ سىرى - تاڭمەن تالاسىپ تۇرۋ ەكەنى ايتىلادى. نە ءۇشىن ءبارى ۇيىقتاپ جاتقاندا ويانۋ سونشالىقتى ماڭىزدى؟
كۇشتىڭ ءبىر باعىتقا جۇمسالۋى. كەز كەلگەن ادام ءبىر كۇندە بىرنەشە ءىستىڭ باسىن قايىرىپ ۇلگەرۋگە تىرىسادى، ال تاڭدا مي دەمالىپ تۇراتىندىقتان، جۇمىس جاقسى جۇرەدى جانە ادام تىنىشتىقتا جالعىز وتىرىپ كوپ نارسە تىندىرا الادى.
ەرىك- جىگەر كۇشى. تاڭدا مي بەلسەندى تۇردە جۇمىس ىستەيدى، سوندىقتان ميدىڭ بەلسەندىلىگىن پايدالانىپ قالۋ اسا ماڭىزدى سانالادى.
كوتەرىڭكى كوڭىل- كۇي. تاڭدى قالاي باستاساڭ، كۇنىڭ سولاي وتەدى. ەرتە ويانىپ، جۇمىسىن بىتىرگەن ادام ءوز- وزىنە ريزا بولىپ، راحاتتانىپ جۇرەدى، سايكەسىنشە، كوڭىلى دە ورنىندا بولادى.
دەرەككوز: massaget.kz
