استانادا ستۋدەنتتەر اراسىندا رەسپۋبليكالىق ايتىس وتەدى

استانا. قازاقپارات - بۇگىن ليەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ستۋدەنتتەر اراسىندا رەسپۋبليكالىق ايتىس وتەدى.

اتالعان شارا «استانا كوكتەمى» ونكۇندىگى اياسىندا ۇيىمداستىرىلادى، دەپ حابارلايدى قازاقپارات ءتىلشىسى ۋنيۆەرسيتەتتىڭ باسپا ءسوز قىزمەتىنە سىلتەمە جاساپ.

«ايتىسقا مۇحتار نيازوۆ، مەيىربەك سۇلتانحان سىندى ەلىمىزگە تانىمال ايتىسكەرلەرمەن قوسا  قىزىلوردا، اقتوبە، الماتى، قاراعاندى قالالارىنىڭ ستۋدەنت اقىندارى قاتىسادى.

قازىلار القاسى: اقىن، پۋبليتسيست ءجۇرسىن ەرمان، كۇيشى-جىراۋ الماس الماتوۆ، كاسىپكەر، قوعام قايراتكەرى ورالبەك بوتپاي، ايتىسكەر اقىن داۋلەتكەرەي كاپ ۇلى مەن اقىن قالقامان سارين»، - دەلىنگەن رەسمي حابارلامادا.

شارا ماقساتى: ۇلتىمىزدىڭ رۋحاني مۇراسى - ايتىس ونەرىن ناسيحاتتاۋ. سونداي-اق ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن نەگىزگە الا وتىرىپ جاستاردىڭ ۇلتتىق ساناسىن، ولاردىڭ بويىندا وتانسۇيگىشتىك سەزىمدى قالىپتاستىرۋ ماسەلەسى ايتىستىڭ ارقاۋىنا اينالماق.

ايتا كەتەيىك، ايتىس ۋنيۆەرسيتەتتىڭ وقۋ-زەرتحانالىق عيماراتىنىڭ كونسەرت زالىندا (مۇڭايتپاسوۆ كوشەسى، 11) وتەدى. باستالۋى - 16:00.

اۆتور: ارمان اسقاروۆ