قازاق بوكسشىسىنىڭ قارسىلاسى تيتۋلدىق ايقاستان باس تارتتى

استانا. قازاقپارات - تيتۋلعا تالاساتىن ايقاسىندا شارىبايەۆتىڭ قارسىلاسى ءوز ەركىمەن باس تارتتى، دەپ حابارلايدى قازاقپارات ءتىلشىسى.

نەگىزى ايدار شارىبايەۆ 22- ساۋىردە نيۋ-دجەرسيدە تيتۋلدىق جەكپە-جەگىنە شىعاتىن بولعان. الايدا، قارسىلاسى ەڭ سوڭعى ساتتە ايقاستان باس تارتىپ، جەكپە-جەك وتپەي قالدى.

وتانداسىمىزدىڭ قارسىلاسى امەريكالىق زاحاريا رەمسي. بۇل ەكى بوكسشى جەڭىل سالماقتا WBA NABA- USA بەلبەۋىن ساراپقا سالۋ كەرەك ەدى.

قارسىلاسىنىڭ جەكپە-جەكتەن باس تارتقانى سەبەپتى كەزدەسۋ وتپەي قالدى. ەندى ايدار شارىبايەۆ رينگكە كەلەسى اپتانىڭ سوڭىندا 28- ءساۋىر كۇنى چيكاگوداعى بوكس كەشىنە قاتىسپاق.

ول جەڭىل سالماقتا WBA تۇجىرىمى بويىنشا سولتۇستىك امەريكا چەمپيونى اتاعىنا تالاسادى. بۇگىندە ايداردىڭ مەنەدجەرلەرى جاڭا قارسىلاس ىزدەستىرۋدە.

شارىبايەۆ سوڭعى جەكپە-جەگىن 17- ناۋرىزدا ماياميدە مەكسيكالىق گابينو كوتقا قارسى وتكىزىپ، بەسىنشى راۋندتا نوكاۋتپەن جەڭگەن بولاتىن. ول ءالى بىردە-ءبىر ۇتىلىپ كورگەن جوق.

اۆتور: كۇنسۇلتان وتارباي