قازاقستاندىق «ارلاندار» قىتاي قۇراماسىن ۇتىپ كەتتى

استانا. كازينفورم - قازاقستاندىق Astana Arlans كومانداسى WSB توپتىڭ كەزەڭىندەگى سوڭعى ويىنىندا، سىرت الاڭدا China Dragons كومانداسىنان 3:2 ەسەبىمەن باسىم ءتۇستى، دەپ حابارلايدى Sports.kz.

ءانۋار مۇزاپاروۆ (52 كەلى) گۋو جانومادان السىزدەۋ بولدى - 0:3 (46:49, 46:49, 46:49)، زاكير سافيۋللين (60 كەلى) سەن ۆاندى ازەر جەڭدى - 2:1 (49:46, 49:46, 48:47)، اسلانبەك ريچابيليگە حۋريچابيليگتەن ءسۇرىندى - 0:3 (47:48, 47:48, 47:48)، ارمان رىسبەك (81 كەلى) ءبىر مينۋتتىڭ ىشىندە ليدا ۆاندى نوكاۋتقا ءتۇسىردى، ال ولجاس بوقايەۆ (+91 كەلى) جيباو ۆانمەن ايقاستا ءتورتىنشى راۋندتا قارسىلاسىن تەحنيكالىق نوكاۋتپەن جەڭدى.

سونىمەن، Astana Arlans كومانداسى 15 ۇپاي جيناپ بۇكىل الەمدىك بوكس سەرياسىنىڭ (WSB) توبىندا ءبىرىنشى ورىندى ەنشىلەدى.

ايتا كەتسەك، ولار بەس كەزدەسۋدە باسىم ءتۇسىپ، سىرتتا Uzbek Tigers كومانداسىنان جەڭىلگەن ەدى.