سۋمەن اققان الىپ مۇزتاۋ بالىقشىلار اۋىلىن ءبىر كۇندە الەمگە تانىتتى
استانا. قازاقپارات - كانادانىڭ نيۋفاۋندلەند ارالىنا كوپ قاباتتى ۇيمەن بىردەي الىپ مۇزتاۋ ءجۇزىپ كەلدى. ونىڭ كولەمى 1912 -جىلى ايگىلى «تيتانيكتى» اتلانت مۇحيتىنا باتىرعان ايسبەرگتەن دە ۇلكەن ەكەن.
كانادانىڭ شاعىن فەرريلەند اتتى بالىقشى اۋىلى ءبىر كۇندە دۇنيەجۇزىنە تانىلدى. ونىڭ جاعالاۋىنا ءجۇزىپ كەلگەن ايسبەرگتى تاماشالاۋ ءۇشىن الەمنىڭ تۇكپىر- تۇكپىرىنەن تۋريستەر مەن كاسىبي فوتوگرافتار اعىلىپ كەلدى.
ايسبەرگتىڭ بيىكتىگى 46 مەترگە جەتەدى. ول تاياز جەرگە كەلىپ تىرەلىپ قالعان سوڭ اعىسپەن اشىق مۇحيتقا ءجۇزىپ كەتە الماي قالعان. لابرادور تۇبەگى مەن نيۋفاۋندلەند ارالىنىڭ اراسىنداعى بۇعازدى «مۇزتاۋلار اللەياسى» دەپ تە اتايدى. سوندىقتان، بۇل ايماقتا تابيعاتتىڭ قولىمەن ويىلعان الىپ مۇزدار ءجيى ءجۇزىپ وتەدى ەكەن.
دەرەكككوز: 31.kz
