جەكپە-جەكتە «نايمان» جەڭىلىس تاپتى
بەس راۋندتىق جەكپە-جەك وتە جاقىن بولعانىن ايتا كەتۋ كەرەك. ءبىراق تورەشىلەردىڭ شەشىمىمەن جەڭىس ماگومەدسايگيد اليبەكوۆكە بۇيىردى. چەمپيوندىق اتاق تا اليبەكوۆتىڭ ەنشىسىندە قالدى.
«ءبىرىنشى جانە ەكىنشى راۋندتار تەڭ جاعدايدا ءوتتى، ءۇشىنشى راۋندتا قارسىلاسىم مىقتىراق كورىندى، دەگەنمەن سوڭعى ەكى راۋندتى مەن جەڭدىم دەپ ويلايمىن. تورەشىلەر ءبىراق باسقاشا شەشتى، ولار جەكپە-جەكتى جاقسى كورگەن شىعار. دەگەنمەن قارسىلاسىمدى وسى جەڭىسپەن قۇتتىقتايمىن. مەن ءار جەڭىسىمدى ءوز ەلىمە ارنايتىن ەدىم، بۇل جولى ولاي بولمادى. كەزدەسۋدە مەن بەلسەندىرەك بولدىم، ءدوپ تيگەن سوققىلارىم دا باسىم ەدى، ءبىراق تورەشىلەر وسىلاي دەپ شەشىم شىعاردى. جانكۇيەرلەر مەن كورەرمەندەرگە راحمەت!»، - دەپ اتاپ ءوتتى قۋات حاميتوۆ جەكپە-جەكتەن سوڭ بەرگەن سۇحباتىندا.
اۆتور: جاسۇلان جولدىبايەۆ
