پاريجدىڭ ورتالىعىندا اتىس بولدى، قۇربان بولعاندار بار

فرانسيانىڭ پرەمەر-ءمينيسترى بەرنار كازنيەۆ پاريجدىڭ ورتالىعىنداعى ەليسەي الاڭىندا پوليتسيا قىزمەتكەرىنىڭ ولتىرىلۋىنە بايلانىستى رەسپۋبليكا پرەزيدەنتى فرانسۋا وللانمەن كەڭەسۋ ءۇشىن جەدەل تۇردە ەليسەي سارايىنا كەلدى.

بۇل تۋرالى بەيسەنبى كۇنى ۇكىمەتتەگى دەرەككوزدەرگە سىلتەمە جاساپ AFP حابارلاعان. فرانسيا استاناسىنىڭ ورتالىعىندا بولعان وقيعا جەرگىلىكتى ۋاقىت بويىنشا ساعات 21:00 دە باستالعان.

بەلگىسىز بىرەۋلەرمەن بولعان اتىس بارىسىندا ءبىر پوليتسيا قىزمەتكەرى مەرت بولعان، تاعى ەكەۋى جاراقات الدى، ولاردىڭ ءبىرىنىڭ جاعدايى قازىر وتە مۇشكىل.

قولدا بار مالىمەتتەرگە قاراعاندا، وق اتقان ادام وقيعا ورنىندا ولتىرىلگەن، الايدا پوليتسيا قىزمەتكەرلەرى ونىڭ سىبايلاسى بولۋى مۇمكىندىگىن دە جوققا شىعارماي وتىر. ول وقيعا بولعان جەردەگى كولىك تۇراقتارىنىڭ بىرىندە بوي تاسالاپ ءجۇرۋى مۇمكىن. ەليسەي الاڭى - رەسپۋبليكا پرەزيدەنتىنىڭ جۇمىس رەزيدەنتسياسى - ەليسەي سارايىنا جاقىن ماڭدا، قالانىڭ باتىس بولىگىندە ورنالاسقان، پاريجدىڭ ءىرى داڭعىلدارىنىڭ ءبىرى. قازىرگى تاڭدا اۆەنيۋ تولىعىمەن قورشاۋعا الىنعان. دۇكەندەر مەن مەيرامحانالاردىڭ بارلىعى جابىلدى. مەترو ستانسيالارى باقىلاۋعا الىندى.

اۋدارما: ايدار وسپاناليەۆ