عالىمدار ەجەلگى مىسىردىڭ پاتشالار القابىنداعى «ەرەكشە وقيعا» تۋرالى مالىمدەدى
استانا. قازاقپارات - مىسىرلىق ارحەولوگتار كومانداسى ەجەلگى ەگيپەتتىكتەر فاراونداردى جەرلەگەن اتى اڭىزعا اينالعان پاتشالار القابىنىڭ ماڭىنان بىرنەشە مۋمياسى بار مازاردى تاپتى.
بۇل تابىلعان دۇنيەلەر بىرەگەي ساقتالعاندىعىمەن ەرەكشەلەنەدى.
عالىمداردىڭ ايتۋىنشا، بۇل مۋميالار «اسا ماڭىزدى جاڭالىق» بولىپ تابىلادى، دەپ جازدى National Geographic جۋرنالى.
مازاردىڭ ىشىندە 3500 جىلدىق مۋميامەن قاتار، ون اعاش ساركوفاگ پەن مىڭنان اسا ءتۇرلى قۇدايلاردىڭ مۇسىنشەلەرى تابىلدى. مازار ەگيپەت پاتشالارىنىڭ 18-اۋلەتىنىڭ داۋىرىندە سالىنىپ، ەيشات ەسىمدى اقسۇيەككە تيەسىلى بولعان. عالىمداردىڭ قابىردى اشۋى ءۇشىن 20 مىڭ تەكشە مەتر قوقىستى شىعارۋلارىنا تۋرا كەلدى.
