تۇرعىن ءۇي قۇرىلىسىنا بولىنەتىن قارجىنىڭ كولەمى ارتىپ كەلەدى
وسىلايشا، 2016 -جىلدا قازاقستاننىڭ تۇرعىن ءۇي قورى 90 مىڭ باسپاناعا ارتتى، دەپ حابارلايدى قازاقپارات ءتىلشىسى.
«ال 2017 -جىلدىڭ العاشقى توقسانىندا تۇرعىن ءۇي قۇرىلىسىنا 177 ميلليارد تەڭگە جۇمسالدى. ءسويتىپ، ءۇش ايدىڭ ىشىندە جالپى اۋدانى 3,1 ميلليون شارشى مەتر تۇرعىن ءۇي نەمەسە 25 مىڭ باسپانا سالىندى. بۇل كورسەتكىش وتكەن جىلدىڭ وسى كەزەڭىمەن سالىستىرعاندا، 25,3 پايىزعا ارتىق. جالپى، بيىل «نۇرلى جەر» باعدارلاماسى اياسىندا شامامەن 100 مىڭ باسپانا سالىنادى. سونىڭ ىشىندە 25 مىڭ باسپانا مەملەكەتتىڭ اقشاسىنا تۇرعىزىلادى»، - دەدى ق ر ينۆەستيتسيالار جانە دامۋ مينيسترلىگى قۇرىلىس جانە تۇرعىن ءۇي - كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ بۇگىن استانادا وتكەن باسپا ءسوز ءماسليحاتىندا.
ايتا كەتەيىك، مەملەكەتتىڭ اقشاسىنا سالىناتىن باسپانانىڭ ىشىندە الەۋمەتتىك جاعىنان از قامتىعان ازاماتتارعا ارنالعان پاتەرلەر دە بار. ول ءۇشىن قازىنادان 25 ميلليارد تەڭگە ءبولىندى. اعىمداعى جىلدا وبلىستاردا قۇرىلىس جۇمىستارى باستالۋى ءتيىس.
اۆتور: ارمان اسقاروۆ
