بالانى بالاباقشادان باستاپ پاتريوتتىق رۋحتا تاربيەلەۋ كەرەك - سلاۆيانە بىرلەستىگىنىڭ مۇشەسى بۋسىگينا

بۇل تۋرالى قازاقپارات ح ا ا ءتىلشىسى حابارلادى.

وعان وبلىستىق اسسامبلەيا حاتشىلىعىنىڭ باسشىسى ءلايلا تورەشوۆا، وبلىستىق اسسامبلەيا جانىنداعى عىلىمي- ساراپشىلىق توپ جەتەكشىسى، تاريح عىلىمدارىنىڭ كانديداتى نۇرلىبەك مىڭجاس، ەتنومادەني بىرلەستىكتەر، انالار كەڭەسى، جاستار قاناتى، عىلىمي- ساراپشىلىق توپ، «قازاقستان حالقى اسسامبلەياسى» كافەدراسى، وبلىستىق، قالالىق قوعامدىق كەلىسىم كەڭەسى، قالاداعى كاسىبي جانە كاسىبي ەمەس مەدياتورلار جانە ب ا ق وكىلدەرى قاتىستى.

اكتيۆ وتىرىسى بارىسىندا وبلىستىق اسسامبلەيا جانىنداعى عىلىمي- ساراپشىلىق توپ جەتەكشىسى، تاريح عىلىمدارىنىڭ كانديداتى نۇرلىبەك مىڭجاس «وتانىمىزدىڭ تەرەزەسى تەڭ تۇرۋدى باستى ماقسات ەتكەن ەلباسىنىڭ سىندارلى ساياساتى قازاقستاندىقتاردىڭ مۇددەسىنە باعىتتالعان، ۇلتتىق تاريح، بۇگىن مەن بولاشاقتىڭ قالىپتاسۋى، ۇلتقا دەگەن شەكسىز ماحاببات جۇرەكتە ساقتالۋى كەرەك ەكەنى ماقالا مازمۇنىنان تىس قالماعان. تۋعان جەردىڭ ءقادىر- قاسيەتىن ۇمىتپاۋعا شاقىرعان باستامادا ۇلتتىق بولمىستى ساقتاۋ ماسەلەسى دە جان- جاقتى قامتىلعاندىعى بارشانى قۋانتادى. بۇگىن ءبىز وسى ماقالا توڭىرەگىندە اشىق پىكىر الماسۋ وتكىزۋ ءۇشىن باس قوسىپ وتىرمىز»، - دەپ اتاپ ءوتتى.

 ال، سلاۆيانە ەتنومادەني بىرلەستىگىنىڭ مۇشەسى مايا بۋسىگينا: «ءوز بويىمىزدا جانە بالالارىمىزدىڭ بويىندا جاڭا قازاقستاندىق پاتريوتيزمدى تاربيەلەۋىمىز كەرەك. بۇل ەڭ الدىمەن ەلگە جانە ونىڭ يگىلىكتەرىنە دەگەن ماقتانىش سەزىمىن ۇيالاتادى دەگەن ەلباسىنىڭ ءسوزىن تولىقتاي قولدايمىن. بالانى بالاباقشادان باستاپ پاتريوتتىق رۋحتا تاربيەلەۋ كەرەك. سوندا ءبىزدىڭ بىرلىگىمىز بەكەم، ۇرپاعىمىز رۋحتى بولىپ وسەدى. پاتريوتتىق سەزىمنىڭ نىسانى مەن قاينار كوزىنە وتان، تۋعان جەر، تابيعات، ونىڭ بايلىقتارى، ءتىل، ءداستۇر بارلىق ۇلتتىق قۇندىلىقتار جاتادى. وسى قۇندىلىقتاردى ارداقتاپ، اسپەتتەگەن ەل عانا توزبايدى. مىنە، ەلباسى ءوز ماقالاسىندا وسىعان ۇلكەن نازار سالۋعا حالىقتى دا شاقىرىپ وتىر. مەن قازاقستاندا تۇرعانىما 54 جىل بولدى جانە ءوزىمدى وسى ەلدىڭ پاتريوتىمىن دەپ تولىقتاي ايتا الامىن»، - دەدى ول.

جيىنعا قاتىسۋشىلار ەلباسى ماقالاسىنىڭ وسى باعىتتارى تۋرالى ايتىپ، اۋقىمدى تاپسىرمالاردى جۇزەگە اسىرۋ جولدارى مەن ونىڭ باسىمدىقتارىنا توقتالدى. «قازاقستان حالقى اسسامبلەياسى» كافەدراسىنىڭ مۇشەسى تالعات تەلەۋبايەۆ، وبلىستىق قوعامدىق كەلىسىم كەڭەسىنىڭ مۇشەسى الەكساندر ابانين دە كەلەلى ويلارىن ورتاعا سالدى.

 سونداي- اق، وبلىستىق اسسامبلەيا جانىنداعى عىلىمي- ساراپشىلىق توپ، «قازاقستان حالقى اسسامبلەياسى» كافەدراسىنىڭ مۇشەلەرىنەن قۇرالعان ساراپشىلار پىكىرى تىڭدالدى. باسەكەگە قابىلەتتىلىك، پراگماتيزم، ۇلتتىق بىرەگەيلىكتى ساقتاۋ، لاتىن الىپبيىنە كوشۋ، ۇلتتىق كود، ءبىلىم ساپاسىن جاقسارتۋ جانە تاعى باسقا ماڭىزى جوعارى ماسەلەلەر تالقىلاندى. قاتىسۋشىلار تاراپىنان سۇراقتار قويىلىپ، ساراپتامالىق كەزدەسۋ پىكىر الماسۋعا جالعاستى. 

اۆتور: ەلۋباي اۋەزوۆ