سەگىز جاسىنان تۇرمىسقا شىعاتىن قىز بالالاردىڭ اۋىر تاعدىرى - فوتو
استانا. قازاقپارت - كەنيادا سەگىز جاسىنان تۇرمىسقا شىعاتىن قىز بالالاردىڭ اۋىر تاعدىرى كوپشىلىكتىڭ نازارىنا ىلىكتى. بۇل تۋرالى NUR. KZ پورتالى tuko.co.ke سايتىنا سىلتەمە جاساپ حابارلايدى.
كەنيادا قىز بالالار ەرتە تۇرمىس قۇراتىنى سونشالىق، ولار تۇرمىسقا دەيىنگى ءومىرىن ەسكە تۇسىرە المايدى. وڭىردە سەگىز جاسار قىزعا 25 جاسىندا ۇيلەنگەن ازامات كەيىن بۇل ارەكەتىنە قاتتى وكىنەتىنىن اشىق مويىنداعان بولاتىن.
"مەن سەگىز جاسار قىزعا ۇيلەنگەنىمە بۇگىندە وكىنەمىن"، - دەگەن سەميۋەل كيلەتەي قىز بالانىڭ ايەلدىك مىندەتىن اتقارماي قويعانىن ەسىنە الدى. ايتۋىنشا، "جارى" ايەلدىك مىندەتىن اتقارۋدىڭ ورنىنا ماساي اۋىلىنداعى وزگە بالالارمەن ويناۋعا كەتىپ قالعان.
"ول ايەلدەردىڭ جارى الدىنداعى مىندەتتەرىن بىلمەگەندىكتەن، كوپتەگەن قيىندىقتارعا تاپ بولدىم"، - دەيدى ساميۋەل كيلەتەي.
كىشكەنتايىنان تۇرمىس قۇرىپ، بۇگىندە بالالى بولىپ وتىرعان 100-دەن استام قىز بالانىڭ اۋىر تاعدىرى بۇل ماسەلەنىڭ ءورشىپ تۇرعانىن بايقاتادى. ولاردىڭ دەنى باقىتسىز كۇن كەشۋدە.
جاسى 15 كە جەتپەي جاتىپ، نەكەلەرىن قيدىرعان قىز بالالار سانى تولاستار ەمەس. كەنيادا ءاربىر ءتورتىنشى قىز كامەلەتكە تولماي جاتىپ، تۇرمىس قۇرادى، ال ايەلدەردىڭ 21 پايىزى سەكسۋالدىق زورلىققا ۇشىرايدى.
