بەكبولات تىلەۋحان: ايلىعىما قوسىلعان اقشانى تاسقىننان زارداپ شەككەندەرگە بەرەمىن

ال دەپۋتات بەكبولات تىلەۋحان جالاقىسىنا قوسىلعان اقشانى اپات ايماعىنا اۋدارامىن دەپ وتىر. بۇل تۋرالى informburo.kz حابارلادى.

دەپۋتاتتاردىڭ جالاقىسىنا اجەپتەۋىر اقشا قوسىلعانىن ەستىگەن جۇرت «ەندى ولار ەلىمىزدىڭ بىرنەشە ايماقتارىنداعى تاسقىننان زارداپ شەككەندەرگە كومەك كورسەتە مە ەكەن؟»، - دەپ سىناي قاراعان بولاتىن. وسىنداي سوزدەر قۇلاعىنا جەتتى مە، بۇگىن ماجىلىسمەندەر قينالعان ەلگە جاردەم جاسايتىندارىن جارىسا ايتتى.

«سوڭعى كەزدەرى دەپۋتاتتاردىڭ جالاقىسى وسكەنى تۋرالى ماسەلە قوعامدا قاتتى قوزعالىپ جاتىر. سونىڭ (وسكەن جالاقىنىڭ - رەد. ) ايىرماسىن تاسقىننان زارداپ شەككەندەرگە كومەك رەتىندە اۋدارسام دەپ وتىرمىن. ءبىراق بۇل تۋرالى ايتساڭ، تاعى داراقى بولىپ كورىنۋىڭ مۇمكىن. دەسە دە، ءوز باسىم سولاي شەشتىم»، - دەيدى بەكبولات تىلەۋحان.

«اق جول» فراكسياسى دا اپات ايماعىنا اقشا اۋدارىپ قويىپتى. ال ءماجىلىس دەپۋتاتتارى ءبىر كۇندىك ەڭبەكاقىسىن اتالعان ماقساتقا بەرە مە دەگەن ماسەلە باسى اشىق كۇيىندە قالدى. ويتكەنى ونى حالىق قالاۋلىلارى ءالى قاراستىرماپتى. ءبىراق قاراستىرا قالسا، ءبىر كۇندىك ەڭبەكاقىنى اۋدارۋعا كەلىسەتىندەرىن ايتتى.

ەسكە سالساق، جاقىندا دەپۋتاتتاردىڭ جالاقىسى 900 مىڭ تەڭگە شاماسىندا ءوستى.